I går vart Vestland fylkesting samla til konstituerande møte i Bergen. Fylket startar med ein tung økonomisk ryggsekk. 500 millionar kroner manglar for å få budsjettet til neste år i balanse. Det skuldast i stor grad auka utgifter til elektrifisering av ferje- og busstrafikken i Hordaland. Ingenting tyder på at regjeringa kjem Vestland til hjelp. Dei neste åra vert det færre vidaregåande skular, mindre pengar til kollektivtrafikk og endå større forfall på fylkesvegane.