GAUPEJAKT: Minst 15 gauper er skotne sidan kvotejakta byrja 1. februar. Det viser tal frå Miljødirektoratets rovbase søndag. Gaupene er skotne i ti ulike kommunar, skriv Nationen. I Trøndelag er det skote gauper i Rennebu, Lierne og Steinkjer. I Møre og Romsdal er det skote gaupe i Tingvoll og Surnadal. I Telemark er det skote gaupe i Nome, Tinn og Skien kommune. I Kongsberg i Buskerud og Ringebu i Oppland er det skote éi gaupe i kvar kommune. Flest gauper er skotne i Bygland kommune i Aust-Agder, der det er skote fire dyr. ©NPK