MATEN VÅR: Klimarekneskapen ser stygg ut for mange norske bønder. Men det finst nokre lyspunkt for oss som bryr oss om både bonden og klimaet.
Eg hugsar den gongen besten skaut ein skabbrev. Reven hadde gått laus i bygda mi fram til ei kule gjorde slutt på han. Då bror min kom heim frå skulen og fekk høyra nyheita, såg han anklagande på mor. Han spurte så, i fullt alvor, om me måtte ha rev til middag.