Utlendingsdirektoratet (UDI) forklarer den lange ventetida med at dei må ta stilling til klagen på utvisingsvedtaket før dei kan behandla familiegjenforeiningssaka. Advokat Sverre Ulstrup, som er Arebi sin advokat, er forundra over at spørsmålet om identitet i denne saka blir behandla som så alvorleg. Det er slett ikkje uvanleg at asylsøkjarar oppgir falsk identitet, og sjølv om nokon har blitt utvist, er det ifølgje Ulstrup ingen automatikk i dette. Det finst også tilfelle der søkjarar har fått innvilga asyl, sjølv om dei i utgangspunktet hadde oppgitt falsk identitet. Men i denne saka har UDI altså uttalt, etter at Arebi søkte om familiegjenforeining, at utvising ikkje er urimeleg.
Du kan bla til neste sideBla med piltastene
Familieliv i motvind
og
Dei har vore gifte i snart eitt og eit halvt år, men veit enno ikkje når dei kan kjenna seg trygge på at dei får lov til å leva i lag i Noreg.
Dei møtte kvarandre for snart tre år sidan, og vart kjærastar, Ann Kristin Arebi Haugen (37) og Muneer Arebi Haugen (39) frå Libya. I november 2003 vart det norsk kyrkjebryllaup, gullringane hadde Ann Kristin kjøpt alt eit år tidlegare. Muneer har blitt ein av familien, ein «andre far» som Benjamin (10) og Alexander (13) set stor pris på. Også svigermor Magnhild Haugen, som er på besøk hos familien på Teisen i Oslo, er glad for å ha fått Muneer inn i familien.