PEST: Veterinærinstituttet meiner meir må gjerast for å avgrense etablering av villsvin i Noreg for å forhindre spreiing av ulike sjukdommar dyra ber på. Det er særleg svinepest veterinærane bekymrar seg for, etter at viruset dei siste vekene har blitt oppdaga i fleire europeiske land. – Det er kanskje ikkje realistisk å klare å halde dei heilt borte. Danskane byggjer gjerde mot Tyskland, noko tilsvarande i Noreg vil truleg ikkje vere realistisk. Men det finst ein mellomting mellom gjerde og det å ønske villsvin velkommen, seier Carl-Andreas Grøntvedt, fagansvarleg for dyrehelse hos svin ved Veterinærinstituttet til Nationen.©NPK