Kampfly: Kongsberg Defence & Aerospace skal levere delar til halen på meir enn 150 eksemplar av kampflyet F-35. Ordren har ein verdi på 535 millionar kroner og består av leveransar til haledelar i kompositt av kampflyet, opplyser selskapet. Dette er ei vidareføring av tidlegare ordrar, og Kongsberg har vore leverandør sidan produksjonslot 3. – Denne ordren viser Kongsbergs vidare konkurranseevne for avansert produksjon til F-35-programmet. Vi er også tilfredse med å sjå at programmet aukar produksjonstakten med tilhøyrande auka årleg produksjonsmengde, seier divisjonsdirektør Terje Bråthen i Kongsberg Defence & Aerospace. ©NPK