NEI TAKK: 68 prosent er negative til at skilt kan analysere kjønn, humør og ansikt for å gi tilpassa reklame. Undersøkinga er gjennomført i samband med at Datatilsynet og Teknologirådet markerer personverndagen. Folk er spurt om fire ulike bruksområde for teknologi som samlar inn og analyserer data om følelsar. Dei fleste er meir negative enn positive til emosjonell overvaking, òg når føremålet er å hjelpe. Rundt 40 prosent seier nei til tiltak der slik overvaking skal forbetre elevars læring, rettleie tilsette eller forhindre sjølvmord. 23–24 prosent er positive. Størst skepsis vekkjer «intelligente» reklameskilt: 68 prosent seier nei, 10 prosent seier ja.©NPK