TAPTE: WWF Norge fekk ikkje medhald i Oslo tingrett om at lisensfellinga av ulv må stoppast fram til det er vurdert om den norske ulveforvaltinga er lovleg. WWF har i to omgangar saksøkt staten ved Klima- og miljødepartementet. WWF meiner den norske ulveforvaltinga strir mot Grunnlova, naturmangfaldlova og Bernkonvensjonen. – Vi er skuffa og meiner dommen urett legg til grunn at bestandsmålet for ulv kan brukast som ei øvre grense for kor mange ulvar vi kan ha i Noreg. Vi skal no lese dommen grundig og vil vurdere å anke, samtidig som vi håpar hovudsaka komme opp så raskt som mogleg, seier Ingrid Lomelde, miljøpolitisk leiar i WWF.©NTB