Dagens Leder

* Den raudgrøne regjeringa venta til etter valet med å kunngjera at dei vil gi opphald til 1000 kvoteflyktningar frå Syria. Visste ein ikkje betre, kunne ein tru at dette var ei form for strakshjelp til ein bitteliten del av dei to millionane som har flykta frå Syria medan krigstilstanden har herja i landet. Men slik er det ikkje. Utlendingsdirektoratet (UDI) opplyser i ei pressemelding at «Stortinget må først vedta den foreslåtte kvoten på 1000 syriske flyktninger. Deretter vil UDI i samarbeid med Justis- og beredskapsdepartementet avgjøre hvordan det skal gjennomføres». Mottak av syriske kvoteflyktningar byggjer på samarbeid med FN sin høgkommissær for flyktningar (UNHCR) i Jordan og Libanon. Vi må håpa at det nye Stortinget ikkje vil ha problem med å gjera det vedtaket som trengst, sjølv om Siv Jensen ifølgje NTB har meir tru på «effektiv nødhjelp i nærområdene», og Erna Solberg også helst ville hjelpa flyktningane i flyktningleirane.