Kunstnar Christopher Rådlund har inga politisk agenda når han målar norske soldatar. - Bileta eg måler skal vera opne for alle, det vera seg soldatar eller krigskritikarar, seier han.

I øvste etasjen til ein nedsliten bygard i Oslo sentrum står ti små oljeskisser lent opp mot ein vegg. Haustsola skimrar over duse landskapsmåleri og aude teltleirar. Steile fjell, støvete ørken - og ei og anna stridsvogn. Utafor trillar barnevogner og syklistar forbi, og ein stad langt, langt vekke førebur norske styrkar seg på å trekkja seg ut av Afghanistan.