Dagens leiar

* Det var til VG seint i mars at olje- og energiminister Terje Riis-Johansen ymta frampå om at regjeringa etter alt å døme ikkje ville ha CO2-reinsing av gasskraftverket på Mongstad klart i 2014 likevel, som løftet var i 2006. Og laurdag kveld kom den endelege meldinga: Løftet er brote. No skal ikkje Stortinget vurdere å gje milliardane som trengst før i 2014, det vil seie i neste stortingsperiode. Om pengane kjem vil reinsinga først kome i gong i 2018, seier Riis-Johansen til NRK. Reaksjonane på løftebrotet har ikkje latt vente på seg: Bellona kjenner seg «dolka i ryggen», og saman med Natur og ungdom meiner dei Riis-Johansen må gå. Den borgarlege opposisjonen på Stortinget kan brått late som han har tradisjon for visjonær teknologisatsing i statleg regi, mellom anna hevdar Ola Elvestuen, nestleiar i Venstre at «dette er en regjering som ikke evner å gjennomføre et eneste klimatiltak».