Eit dobbelt beinbrot gav Wim Van Overvelt sjansen til å utvikla ein alternativ adventskalender.
Dette skulle eigentleg vera eit juleintervju. Utanfor vindauget lavar snøen ned, og burettslagsjuletreet ruvar mellom lågblokkene. Inne hjå Wim Van Overvelt er julekransen, nellik-appelsinen og peparkakehuset på plass. Gründeren av ein rykande fersk adventskalender ser sjølv litt ut som ein julenisse, med blondt hår og skjegg.