STRAUM: Det kan bli dyrare å lade elbilen på tider av døgnet der presset mot straumnettet er stort, ifølgje NVE-direktør Kjetil Lund. I går la Noregs vassdrags- og energidirektorat (NVE) fram forslag til nye reglar for korleis nettleiga for straum skal bli i åra framover. Forslaget inneber at kundar skal betale nettleige ut frå kor mykje nettkapasitet dei har behov for, ikkje ut frå kor mykje energi dei forbruker. NVE foreslår mellom anna høgare nettleige på tider av døgnet med høgt straumforbruk. – Forslaget vil ikkje få store konsekvensar for dei aller fleste. Det er eit forslag som gjer at du kan spare ein del over tid ved å fordele forbruket betre gjennom døgnet og gjennom veka, seier Lund til NRK.©NPK
