Det har gått meir enn ein månad sidan den såkalla trygdeskandalen vart gjort kjend. Mange har blitt ramma av urett. Med uriktige krav om tilbakebetaling av pengar, og nokre også med kraftige bøter og fengselsstraffer. Og attpåtil har dei som har betalt tilbake, ikkje fått igjen skattepengane dei har blitt trekte for. Det skulle berre mangla at denne uretten ikkje skal rettast opp, i alle fall så langt som det er mogeleg å retta opp ein slik urett. Dette er ein alvorleg skamplett på den norske velferdsstaten som aldri skulle ha skjedd.