Siste helga i november deltok eg på samling for klubbtillitsvalde innanfor Fellesforbundet si avdeling i Sogn og Fjordane. Dette var tillitsvalde som er arbeidstakarar i bedrifter som står i ein tøff konkurransesituasjon i kamp om ordrar og kundar. Mange av dei er tillitsvalde i bedrifter som legg vekt på ordna forhold. Som ser på arbeidstakarane som sin viktigaste ressurs. Som ser på fagorganisering som eit fortrinn og på den tillitsvalde som den viktigaste samtalepartnaren. Andre er tillitsvalde i bedrifter som møter konkurransen gjennom å sjå på fagorganisasjonen nærast som ein motstandar i kampen for å få ned arbeidskraftkostnader nærast for ein kvar pris.