Torsdag 29. november 2018
FÅR ASYL-ANSVAR: Næringsminister Torbjørn Røe Isaksen skal lede nytt innvandringsutval i Høgre. Her frå NHOs årskonferanse tidlegare i år. FOTO: Christopher Olssøm
Torbjørn Røe Isaksen skal leia arbeidet med å fornye Høgre sin innvandringspolitikk:
Skjerpar asylpolitikken
Undersak

Isaksen ønska innstramming

Torbjørn Røe Isaksen (H) har tidlegare i år teke til orde for fleire innstramming på innvandrings- og asylfeltet.

«Adgangen til familiegjenforening må strammes inn og det er nødvendig å stramme inn på asyl», sa han til Dagens Næringsliv i mars.

Han sa også at «høy innvandring er ikke forenlig med et bærekraftig velferdssamfunn». I går sa Isaksen til Nettavisen at auka innvandring er ei hovudårsak til at barnefattigdomen i Noreg er aukande.

«Flere fattige familier er en direkte konsekvens av økende innvandring fra land hvor mange ikke har formell utdannelse. (…) Da må vi ikke la oss overraske over at det tar tid før flyktninger kommer i arbeid, og at de følgelig har en anstrengt økonomisk situasjon», sa Isaksen til avisa.

INNVANDRING: Torbjørn Røe Isaksen (H) tek opp konkurransen i asyl- og flyktningpolitikken mot Sylvi Listhaug (Frp) og Masud Gharahkhani (Ap).

HØGRE

Høgre har sett ned eit nytt utval som skal arbeide med partiets asyl-, innvandrings- og flyktningpolitikk. Utvalet er leia av næringsminister Torbjørn Røe Isaksen. Dermed følgjer Høgre etter Arbeidarpartiet og Frp i å sette i gang arbeid med å meisle ut framtida sin innvandringspolitikk.

Tidlegare i haust la leiaren for Aps migrasjonsutval stortingsrepresentant Masud Gharahkhani fram ei innstilling til ny innvandringspolitikk for Ap, blant anna med innstrammingar på asylfeltet. I september sette Frp ned eit likande utval leia av nestleiar Sylvi Listhaug.

– Dette er ikkje eit utval som skal liberalisere Høgre sin innvandringspolitikk, seier Isaksen til Klassekampen.

Fakta

Innvandringsutval:

Høgre har sett ned eit utval som skal sjå på partiet sin asyl- og flyktningpolitikk.

• Utvalet blir leia av Torbjørn Røe Isaksen (H) og består elles av Marit Berger Røssland, Mari Holm Lønseth, Nils August Andresen, Kristin Holm Jensen, Torstein Ulsrud, Ove Trellevik og Mahmoud Farahmand.

Fornying

Medlemmane av utvalet er alle høgrefolk med ulik grad av tilknyting til partiet.

På medlemslista står mellom andre redaktør for det konservative tidsskriftet Minerva, Nils August Andresen, og lokalpolitikar og leiar for Høgre sitt mangfoldsutval Mahmoud Farahmand. Begge har tidlegare ytra ønske om fornying av dagens asylsystem. «Personlig tror jeg dagens asylsystem er borte om få år. Det er ikke bærkraftig slik det er i dag», sa Farahmand til Minerva i vår.

– Samansetninga tek ikkje omsyn til geografi eller slike omsyn, men består av folk som har kompetanse på dette politikkfeltet, seier Isaksen.

Til internt bruk

Isaksen fortel at oppdraget han har fått ikkje er å skape offentleg debatt, men å «samle fakta og lage analyse» for å undersøke om Høgre sin politikk er rusta for framtida.

– I motsetnad til Ap sitt migrasjonsutval, der utspela kom før politikken, vil vi først legge grunnlaget for politikken. Så får utspela kome etter kvart, seier Isaksen.

Resultatet av utvalsarbeidet skal vere til internt bruk i første omgang, fortel Isaksen.

Etter planen skal «første løypemelding» bli overlevert til Høgre sin programkomite før sommaren. Deretter skal partiet avgjere om arbeidet skal vidareførast i det nye stortingsprogrammet for Høgre, eller om det skal bli tatt vidare på anna vis.

Framleis høg innvandring

Høgre sitt innvandringsutval vil ha særleg blikk på asyl- og flyktningpolitikken, og mindre på integreringspolitikk, seier Isaksen.

Det skil seg frå Ap sitt migrasjonsutval som såg på begge politikkområda.

Isaksen trekk fram flyktningkrisa som bakgrunn for at Høgre vil gå eigen innvandringspolitikk etter i saumane:

– Både Høgre og regjeringa har ein politikk som er streng og som skal vere føreseieleg. Men kanskje flyktningkrisa i 2015 varsla ein ny, permanent situasjon som gjer at vi må sjå på om asyl- og flyktningpolitikken vår er rusta for kanskje ti til tjue år med høg innvandring framover, seier han.

– Høgre skal ha ein innvandringspolitikk som kan stå seg over tid, legg han til.

politikk@klassekampen.no

Tirsdag 20. august 2019
KRISE: – Dersom andre partier ikke synes at Granavolden-erklæringen er god nok, så får de trekke seg fra regjeringen, sier Venstre-ordfører Lena Landsverk.
Mandag 5. august 2019
LÅGE SKULDRER: Ap-nestleiar Bjørnar Skjæran er ikkje uroa for Fellesforbundet sitt EØS-krav. Ap kjem ikkje til å endre syn, seier han.
Lørdag 3. august 2019
KLAR TIL KAMP: Ap-nestleiar Bjørnar Skjæran vil ikkje akseptere ei skrinlegging av Nord-Noreg-banen. Han meiner regjeringa «herjar» med lands­delen.
Mandag 29. juli 2019
LØNN: Fem prosent av private barne­hager har ikke tariffavtale. Private barnehagers landsforbund (PBL) vil at det ikke skal være noen vei utenom. De får støtte fra Utdanningsforbundet.
Lørdag 27. juli 2019
VIL UTFORDRE: Ap sliter på målingene foran kommunevalget. Likevel øyner partiet håp om å kapre Høyre-bastionene Stavanger og Kristiansand.
Torsdag 25. juli 2019
RAMME: Regjeringen vil ikke fremme den omstridte nasjonale ramma for vindkraft til Stortinget. Nå krever både SV, Sp og MDG å få saken til behandling.
Onsdag 24. juli 2019
IRAN: Regjeringen bekrefter at den vurderer å bli med i fransk-britisk koalisjon i Hormuzstredet. KrF er positive, mens Rødt, SV og MDG advarer.
Mandag 22. juli 2019
NY DEBATT: Nei til EU varsler kamp mot EUs fjerde energipakke som de mener vil gi Acer enda mer makt. Miljøorganisasjon er positiv, mens Ap ikke har tatt stilling ennå.
Fredag 19. juli 2019
KRAV: Frp mener innvandringsforskningen er «ensidig og politisert». Nå vil de stille krav om meningsmangfold i forskningen. – Farlig, svarer Ap.
Torsdag 18. juli 2019
TVANG: FpU ber regjeringen lovpålegge kommunene å konkurranseutsette sykehjem og hjemmetjenester. Forslaget slaktes av forsker.