Du kan bla til neste sideBla med piltastene

Thina Saltvedt vil flytta kapitalen dit han kan redda klimaet.

Klimaagenten

Christopher Olssøn

Små bølger trillar inn over stranda på Bygdøy i Oslo. Ein båt duppar og slepp ut kilovis av CO2 i horisonten. Ein fiskar har kasta ut snøret frå eit svaberg, kanskje med eit håp om å dra opp ein sjøaure frå fjorden. Han helsar idet han går forbi med fiskestonga i handa. Thina Margrethe Saltvedt helsar muntert tilbake. Det er stille. Lyset er slik det berre er ein kald vinterdag nokre dagar før sola snur, og eit år er omme. Om nokre timar blir himmelen raud, før sola går ned. Deretter blir det mørkt.