Mandag 21. januar 2019
VEGSKILJE: Samferdsleminister Jon Georg Dale (Frp) vil legga til rette for fleire private aktørar for oppgåve som Statens vegvesen har i dag. FOTO: TOM HENNING BRATLIE
Statens vegvesen har fått i oppgåve å vurdera kva tenester som kan privatiserast:
Rullar løpar for private
NY VEG: Regjeringa ventar på Statens vegvesen si eiga vurdering av kva oppgåver private kan få. – Me har ei oppleving om at Vegvesenet blir riven i bitar, seier tillitsvald Alf Edvard Masternes.

STATEN

Auka bruk av teknologi og samarbeid med private aktørar skal bidra til å sikra eit ­desentralisert tilbod innan trafikant- og køyretøyområdet i Statens vegvesen.

Det skriv den nye fleirtalsregjeringa i regjeringserklæringa, som blei ferdig på ­Hadeland før helga.

Arbeidet med å sjå på kva oppgåver som kan flyttast til private aktørar, er alt i gang. Samferdsledepartementet bad i haust Statens vegvesen om å vurdera kva oppgåver private kan få.

I oppdragsbrevet frå departementet står det at som «ledd i effektiviseringsarbeidet bes det om en særlig vurdering av hvilke oppgaver som helt eller delvis kan utføres av private aktører, eksempelvis oppgaver knyttet til avvikling av­ ­førerprøver og kurs knyttet til utvikling av førerkompetanse e.l. Vi ber Statens vegvesen gjennomføre en slik vurdering, og herunder også vurdere hvordan en slik oppgave­overføring eventuelt kan gjennomføres».

Fakta

Statens vegvesen:

• Fleire grep for å omorganisera vegsektoren er i gang.

• Som ledd i regionreforma får dei nye fylka ansvaret for fylkesvegane. Det inneber at ei lang rekke arbeidsoppgåve og årsverk blir flytta frå Vegvesenet til fylka.

• Den nye regjeringa tok inn eit nytt punkt i regjeringserklæringa, samanlikna med Jeløya-plattforma, om auka bruk av private aktørar på trafikant- og køyretøyområdet.

• Selskapet Nye Vegar AS blei stifta i 2015. Det skal planlegga, bygga, drifta og halda ved like hovudvegar.

Tillitsvalde tvilar

Men at private aktørar skal ha interesse av å etablera eit tilbod på mange av dei små stadane som Statens vegvesen held til i dag, tvilar tillitsvalde i Statens vegvesen på:

– Ved små stasjonar som Storslett, Finnsnes, Lakselv, trur ikkje eg at det er nok ­arbeid til at private aktørar etablerer seg for å tilby køyreprøvar, seier Alf Edvard ­Masternes, tillitsvald for ­tilsette i Statens vegvesen, som er organisert i Forbundet for Ledelse og Teknikk (FLT).

Han spår ei storstilt nedlegging i åra som kjem:

– Ein privat aktør er opptatt av ei botnlinje, mens staten er opptatt av å gi eit bredt tilbod. Eg tvilar på at halvparten av dei 82 trafikkstasjonane i landet kjem til å overleva, seier han, men legg til at det kan skje uavhengig av om det blir privatisering eller ikkje.

Siw Tyldum, hovudtillitsvald for Nito-medlemmar i Statens vegvesen, tvilar også på at det er ein stor nok marknad for private på mange av dei mindre stadane som Statens vegvesen er i dag.

– Innteningspotensialet for private er avgrensa mange stadar. Det er lite sannsynleg at dei vil ha stor aktivitet mange av dei små stadane.

Blant konkrete oppgåver som skal vurderast overførast til private er, ifølge Tyldum, eit oppfriskingskurs for eldre over 65 år og mengdetreningskurs for ungdom og følgeperson som skal øvekøyra.

På privatiseringslista står også den teoretiske og praktiske førarprøva.

Tyldum trur det vil bli ­dyrare for folk dersom private aktørar skal tilby desse kursa og prøvane.

– Eg trur ikkje eldre, som kanskje har køyrd bil heile ­livet vil prioritera dette dersom dei må betala. I dag tilbyr me det gratis, seier ho, og legg til at risikoen for ulykke for eldre er høg og at det er viktig med kursing.

Frustrasjon internt

Ei rekke greip for å omorganisera skapar uvisse og frykt for framtida for tilsette i Statens vegvesen. Med regionreforma skal ansvaret for fylkes­vegane over til dei nye fylkeskommunane. Det råkar over tusen tilsette i Statens vegvesen, som får ny arbeidsgivar og enno ikkje veit kvar arbeidsstaden blir.

Nyleg blei også tre utbyggingsprosjekt flytta frå Statens vegvesen til statens nye vegselskap Nye Veier AS.

– Dette får konsekvensar for ein god del menneske. Det er milliardprosjekt som mange jobbar med, seier Tyldum.

Masternes i FLT fortel at mange kjenner på ei uvisse for framtida.

– Me har ei oppleving om at Vegvesenet blir riven i bitar no, seier han og understrekar at dei tilsette i Vegvesenet har lang erfaring med omstilling og omorganisering, utan at det har vore grunn til å tvila på framtida før.

– Det er mange forhold som no gjer at det blir vanskeleg å orientera seg om kva som blir framtida. Me har kanskje blitt omorganisert flest gongar dei siste 25 åra, men har alltid hatt ei tru på at det er ei framtid i Vegvesenet. No er det atskilleg verre å gjera den konklusjonen.

– Det ser ikkje alltid ut som ein er opptatt av at dette handlar om menneske og familiar. Ein lagar stor uvisse for kvar enkelt familie. Det uroar meg mest. Ein gløymer at det handlar om menneske, seier han.

annekarih@klassekampen.no

Mandag 26. august 2019
AUKE: SV gjer det godt på meiningsmålingar i heile landet. I Vaksdal får partiet 23,7 prosent på lokal måling, opp 9,7 prosentpoeng frå valet i 2015.
Lørdag 24. august 2019
KRISEVEKST: Både ekspertar og partileiar Siv Jensen set Frp si vekst i samanheng med partiet si handsaming av bompengesaka internt i regjering.
Fredag 23. august 2019
HÅP: Arbeidarpartiet går ned i ei rekke kommunar, men i industri­bastionen Årdal siktar Ap mot reint fleirtal. Denne veka kom Sp-sjef Trygve Slagsvold Vedum på vekkingsmøte i bygda.
Torsdag 22. august 2019
POLITI: Norske moskeer fikk ikke PSTs varsel om en økt trussel fra høyreekstreme. Politi­direktoratet sier at politidistriktene ble bedt om å «opprette dialog» med trossamfunnene.
Onsdag 21. august 2019
TRUSSEL: I mai ga PST politiet beskjed om at trussel­nivået for angrep fra høyre­ekstreme var økt. Moskeer var aktuelle mål, men ingen informerte dem.
Tirsdag 20. august 2019
KRISE: – Dersom andre partier ikke synes at Granavolden-erklæringen er god nok, så får de trekke seg fra regjeringen, sier Venstre-ordfører Lena Landsverk.
Mandag 19. august 2019
ADVARSEL: Russland har rustet opp. Hvis ikke Norge følger etter, vil USA ta over kontrollen i norske nærområder. – Da mister vi stadig mer råderett, sier forsvarssjef Haakon Bruun-Hanssen.
Lørdag 17. august 2019
AVLYSER: Hurtigruten må avlyse to planlagte cruise til Frans Josefs land fordi Russland nekter skipene å seile i russisk farvann.
Fredag 16. august 2019
AVFALL: Landbruket er blant de beste i klassen i plast-retur. Likevel blir mer enn 2000 tonn brukt plast hvert år ikke levert til retur.
Torsdag 15. august 2019
VARME: Da broren til den terrorsiktede la ut en video der han deler sin desperasjon, strømmet norske muslimer til kommentarfeltet for å dele kondolanser, lykkeønskninger og hjertesymboler.