Mot å arbeida fjorten dagar i strekk, tolv timar om dagen, kan anleggsarbeidarane få tre veker heilt fri.– Helserisikoen kan vera undervurdert, seier Bo Veiersted fra Statens arbeidsmiljøinstitutt.

På store anlegg har mange av arbeiderane svært lang veg heim, det stiller særeigne krav til organisering av arbeidstid og fritid. Til no har «12-9-rotasjon» vore ei vanleg ordning for mange anleggsarbeidarar. Det vil seia arbeidsdagar på ti-elleve timar, søndagsfri, og ni samanhengjande fridagar i løpet av tre veker. På Snehvit-prosjektet på Melkøya ved Hammerfest har dei moderne rallarane prøvd ei anna ordning – 14-21-rotasjon, som gir tre veker samanhengjande fri i løpet av ein femvekersperiode. Prisen for meir samla fritid er at arbeidsdagen blir på tolv timar, og at det blir fjorten arbeidsdagar i strekk, altså utan søndagsfri. Medan 12-9-ordninga har blitt kalla både «familiedödare» og «skilsmisserotasjon», ser arbeidarane store fordelar med 14-21-ordninga.