– Vi vil bygge opp kunnskap og rive ned mytar, seier Hill-Aina Steffenach, leiar i Bunadsrådet i Noregs Ungdomslag, som på laurdag arrangerte seminar om hovudplagg.

I helga arrangerte Noregs Ungdomslag Folkekulturfestival i Oslo. Mellom arrangementa var eit dagsseminar på laurdag om bruken av hovudplagg som sosialt og religiøst merke. Kulturforskarar og sosialantropologar snakka om bruk av hovudplagg i Noreg før og no, medan brukarar av både turban og hijab var inviterte for å fortelje om kvifor dei brukte plagga og korleis det er å bruke slike plagg i Noreg.