Eit pensjonskompromiss frå toppen av Youngstorget vil føra til opprør frå grunnplanet i LO. Det spår Kleiv Fiskvik, leiar for LO i Oslo.

- Eit kompromiss no vil vera øydeleggjande for valkampen i 2005. Det vil skapa stor frustrasjon blant LO-medlemmane. Vi må heller satsa på å vinna valet, slik at det neste Stortinget kan sikra eit godt pensjonssystem, seier Fiskvik til Klassekampen.

Ap vil presentera sitt forslag til pensjonsreform før jul. Aftenposten omtalte i førre veke eit intenst samarbeid mellom partileiar Jens Stoltenberg og LO-leiar Gerd-Liv Valla, som siktar mot eit kompromiss LO skal gå med på. Slik kan saka bli avgjort før valet i 2005. Opplysningane skaper sterke reaksjonar internt i LO.

- Eg har vore i kontakt med fleire lokalorganisasjonar av LO og sentrale konserntillitsvalde. Alle reagerer sterkt mot at det blir snakka om eit kompromiss der LO skal gå med på nedskjeringar i Folketrygda, seier Fiskvik.

Viktig kompromiss

For Jens Stoltenberg er det vanskeleg å støtta store kutt i Folketrygda i direkte konfrontasjon mot LO. Derfor er arbeidet i kulissane for eit pensjonskompromiss ekstremt viktig for både Ap, LO og valkampen i 2005.

Det er ikkje småkamelar Gerd-Liv Valla vil prøva å få ned i halsen på sine 800.000 medlemmar. «LO er åpne for forslagene om indeksering og delingstall», uttalte ho til Dagsavisen 24. november. Dette er to av dei største kuttforslaga.

  «Indeksering» er stikkordet for at pensjonen ikkje lenger skal justerast opp i takt med lønnsaukinga. Jens Stoltenberg har signalisert at Ap kan gå inn for at justeringa heller skjer i forhold til gjennomsnittet av lønns- og prisveksten. For eldre pensjonistar kan utslaget bli fleire titusen kroner i inntektstap kvart år.

  «Delingstal» er stikkordet for at den årlege pensjonen blir redusert i takt med at forventa levealder går opp.

Desse to endringane står for 80 prosent av innsparinga som Pensjonskommisjonen går inn for. Og no er LO på glid.

Kleiv Fiskvik meiner Noreg har økonomisk rom for å halda på dagens system, eller eit som er betre.

- Nedskjeringane vil berre føra til at fleire skaffar seg private ordningar. Dette er 180 grader feil retning i forhold til det LO står for, seier han.

No vil det bli full fart i pensjonskampen på grunnplanet i LO. Dette må til for å hindra eit nederlag våren 2005, meiner Fiskvik.

- Rykta om at LO er i ferd med å gje etter vil aktivisera dei tillitsvalde og grunnplanet på ein heilt annan måte enn før. Folk har ikkje sett nokon grunn til å uroa seg over LOs standpunkt. Men det ser det ut til at vi har no, og då blir det uro.

- LO-kongressen kjem aldri til å gå med på kutt i Folketrygda. Derfor må heller ikkje Aps landsmøte binda seg til nedskjering, insisterer leiaren for LO i Oslo.

Eit pensjonskompromiss frå toppen av Youngstorget vil føra til opprør frå grunnplanet i LO. Det spår Kleiv Fiskvik, leiar for LO i Oslo.

- Eit kompromiss no vil vera øydeleggjande for valkampen i 2005. Det vil skapa stor frustrasjon blant LO-medlemmane. Vi må heller satsa på å vinna valet, slik at det neste Stortinget kan sikra eit godt pensjonssystem, seier Fiskvik til Klassekampen.

Ap vil presentera sitt forslag til pensjonsreform før jul. Aftenposten omtalte i førre veke eit intenst samarbeid mellom partileiar Jens Stoltenberg og LO-leiar Gerd-Liv Valla, som siktar mot eit kompromiss LO skal gå med på. Slik kan saka bli avgjort før valet i 2005. Opplysningane skaper sterke reaksjonar internt i LO.

- Eg har vore i kontakt med fleire lokalorganisasjonar av LO og sentrale konserntillitsvalde. Alle reagerer sterkt mot at det blir snakka om eit kompromiss der LO skal gå med på nedskjeringar i Folketrygda, seier Fiskvik.

Viktig kompromiss
For Jens Stoltenberg er det vanskeleg å støtta store kutt i Folketrygda i direkte konfrontasjon mot LO. Derfor er arbeidet i kulissane for eit pensjonskompromiss ekstremt viktig for både Ap, LO og valkampen i 2005.

Det er ikkje småkamelar Gerd-Liv Valla vil prøva å få ned i halsen på sine 800.000 medlemmar. «LO er åpne for forslagene om indeksering og delingstall», uttalte ho til Dagsavisen 24. november. Dette er to av dei største kuttforslaga.

  «Indeksering» er stikkordet for at pensjonen ikkje lenger skal justerast opp i takt med lønnsaukinga. Jens Stoltenberg har signalisert at Ap kan gå inn for at justeringa heller skjer i forhold til gjennomsnittet av lønns- og prisveksten. For eldre pensjonistar kan utslaget bli fleire titusen kroner i inntektstap kvart år.

  «Delingstal» er stikkordet for at den årlege pensjonen blir redusert i takt med at forventa levealder går opp.

Desse to endringane står for 80 prosent av innsparinga som Pensjonskommisjonen går inn for. Og no er LO på glid.

Kleiv Fiskvik meiner Noreg har økonomisk rom for å halda på dagens system, eller eit som er betre.

- Nedskjeringane vil berre føra til at fleire skaffar seg private ordningar. Dette er 180 grader feil retning i forhold til det LO står for, seier han.

No vil det bli full fart i pensjonskampen på grunnplanet i LO. Dette må til for å hindra eit nederlag våren 2005, meiner Fiskvik.

- Rykta om at LO er i ferd med å gje etter vil aktivisera dei tillitsvalde og grunnplanet på ein heilt annan måte enn før. Folk har ikkje sett nokon grunn til å uroa seg over LOs standpunkt. Men det ser det ut til at vi har no, og då blir det uro.

- LO-kongressen kjem aldri til å gå med på kutt i Folketrygda. Derfor må heller ikkje Aps landsmøte binda seg til nedskjering, insisterer leiaren for LO i Oslo.