Onsdag 18. juli 2018
KAPITAL: Mjølkekua er den langsiktige kapitalen for mjølkebøndene og meieribransjen, og det tek tid å ale henne opp, som her ved Norges miljø- og biovitenskapelige universitet på Ås. FOTO: TOM HENNING BRATLIE
• Tine vil ha krisemøte om tørka • Åtvarar mot forhasta slakt av storfe
Fryktar mjølkemangel
Eli Reistad
VERRE: Meieri­giganten Tine fryktar mjølkemangel dersom mykje storfe blir slakta på grunn av fôrmangel. Tine vil ha krisemøte med bøndene og regjeringa.

landbruk

Tørkekrisa endrar prognosar for norsk mjølkeproduksjon. Samvirkekonsernet Tine skriv i eit brev til Landbruksdepartementet, Norges Bondelag og Norsk Bonde- og Småbrukarlag:

«I mange deler av landet kan situasjonen fortsatt avhjelpes dersom det kommer regn de nærmeste dagene, men værprognoser indikerer ikke vesentlige nedbørsmengde. Det er en økende fare for underskudd av melk utover høsten og vinteren. Vi merker også økende uro i markedet med spørsmål fra våre kunder om leverings­evne.»

Fakta

Tørkekrisa:

• Mange bønder sender storfe til slakt på grunn av mangel på fôr etter tørkesommaren.

• Meierisamvirket Tine meiner det er fare for underskott på mjølk utover hausten og vinteren og ber Landbruksdepartementet og bondeorganisasjonane om møte om tiltak for å stimulere produksjonen.

• Det er ingen varsel om endring av veret i områda som er hardast råka av tørke.

Vil stimulere

Tine ber om eit møte tidleg i august med departementet og organisasjonane for å drøfte tiltak som kan stimulere mjølkeproduksjonen.

– Tine har enno ikkje avgjort kva slags råd vi skal gje departementet, som avgjer slike spørsmål. Brevet er meint som eit varsel om ein situasjon som kan bli alvorleg, seier organisasjonssjef Eli Reistad i Tine til Klassekampen.

Ho forklarer at alle mjølkebønder produserer etter tildelte kvoter og at det kjem ei overproduksjonsavgift dersom dei produserer over kvota.

– Ved å endre grunnlaget for avgifta, kan det føre til noko auka produksjon utan at mjølkebonden blir straffa økonomisk. Avgifta skal motverke overproduksjon, men no har vi ein annan situasjon, seier ho.

Det bondeeigde Tine, som mellom anna har ansvaret for regulering av den norske mjølkemarknaden, er blant dei som har åtvara mot forhasta slakt av storfe på grunn av fôrmangel.

– Det er drastisk å slakte mjølkeproduserande dyr, fordi det tek fleire år å ale opp ei mjølkeku. Derfor får det også langsiktige konsekvensar å slakte ungdyr som er påsett til å bli mjølkekyr. Vi oppfordrar til å forsøke alle utvegar med alternativt fôr før ein går til nedslakting, seier Reistad.

Ny «smørkrise»?

Ho seier at forbrukarane ikkje treng frykte mangel på mjølk å drikke, men at det for tidleg å spå kva konsekvensane kan bli for andre mjølkeprodukt.

Før jul i 2011 hadde Norge ei såkalla smørkrise, med mangel på meierismør då Tine hadde for lite mjølk. Dagleg leiar Christian Anton Smedshaug i Agri Analyse har sagt at råvaremangel kan gje langt meir dramatiske utslag no.

– Heile Nord-Europa er råka, slik at det kan bli vanskeleg å få tak i fersk mjølk og mjølkeprodukt som vi er avhengige av, sa Smedshaug nyss til P4.

Han trur det blir hard prioritering av mjølkeprodukt, med mangel på yoghurt og smør, og mindre utval av ost.

Panikkstemning

Tines åtvaring mot slakt får støtte frå mjølke- og kjøttbonden Ottar Flatland i Flatdal i Seljord, som er uroleg for at alle kriseoppslaga om tørka kan få ein sjølvforsterkande effekt og utløyse panikktiltak.

– Nedslakting av storfe gjev tap som er meir langsiktige enn problema med å skaffe fôr denne sommaren. Det gjeld å tenkje nytt og lytte til råda som samvirket og landbruksrådgjevinga kjem med, seier han.

Telemarksbonden fortel at det er meir optimistisk stemning i Flatdal enn andre stader på Austlandet, fordi bøndene har gått saman om vatningsanlegg som bergar avlingane av både gras og korn.

– Denne sommaren er det for seint for dei som ikkje har vatning, men det gjeld å tenkje framover og førebu seg på fleire slike somrar. Bøndene i Flatdal gjekk saman om felles vatningsanlegg for meir enn 20 år sidan, og det gjev betre avlingar også i normale år. Felles­skap fungerer, seier han.

alfs@klassekampen

Fredag 19. oktober 2018
MOT: Togtrafikken i nord og vest skal på anbud. Men om Sp og Ap får viljen sin kan det bli full stans i prosessen.
Torsdag 18. oktober 2018
ADVARER: Trusselen om et «uskikkelig» Frp i opposisjon kan ikke bety at Frp skal sitte i regjering til evig tid, sier Knut Arild Hareide. Samtidig advarer han Erna Solberg mot å legge seg opp i KrFs veivalg.
Onsdag 17. oktober 2018
VINN-VINN: Uansett hva KrF velger, vil Frp vinne på det, mener flere i Frp. – Vi er relativt gode på å være i opposisjon, sier Per-Willy Amundsen.
Tirsdag 16. oktober 2018
UT: 260 par har blitt nektet opphold i Norge siden 2017 på grunn av regler mot tvangsekteskap. Også frivillige ekteskap rammes, innrømmer Utlendingsnemnda.
Mandag 15. oktober 2018
OPP: Fra 2016 til 2017 gikk lederlønna i 40 statseide selskaper opp med 6,5 prosent i snitt. Nå tjener lederne i snitt 2,7 millioner kroner i året.
Lørdag 13. oktober 2018
MENNESKEFISKAR: Leiarar for misjonsorganisasjonane Normisjon og Troens Bevis trur KrF vil få mest gjennomslag i eit samarbeid med Ap og Sp.
Fredag 12. oktober 2018
PÅ RANDEN: KrFs veivalg splitter KrF Kvinner. Oddbjørg Minos, som trolig overtar som kvinneleder før partiets skjebnemøte, vil ikke si hvor hun står.
Torsdag 11. oktober 2018
NIX: Kjersti Toppe mener helseminister Bent Høie (H) utviser «forakt for Stortinget» når han trosser et klart flertalls­vedtak fra Stortinget.
Onsdag 10. oktober 2018
BEKYMRET: Vi kommer neppe til å klare å begrense oppvarmingen nok til å unngå alvorlige følger av klimaendringene, mener ledende norske klimaforskere. De ber om radikal politikk.
Tirsdag 9. oktober 2018
SNAUT: Skal vi unngå en klimakatastrofe, må vi halvere verdens utslipp innen 2030, fastslår FNs klimapanel i ny rapport. Norge nøyer seg med et klimakutt på 11,5 prosent.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk