Ein av skadeverknadene av å redusera postgangen til annankvar dag er pasientprøver legane i distrikta då ikkje kan få sendt i tide til sjukehuslaboratoria. Slike prøver kan ikkje lagrast i dagevis, til ein dag det går post. Rundt om i fleire aviser skriv samferdsleminister Ketil Solvik-Olsen og helseminister Bent Høie at dette ikkje skal bli problem. Statsrådane viser til ordninga «ekspresspost» og ei ny ordning «ekspress over natta». Men desse ordningane er ikkje «rask og trygg sending» av pasientprøver, slik statsrådane vil ha det til.