Torsdag 8. mars 2018
BYGGJER LANDET: Gjennom å ta ei rekkje grep har Caverion blitt ein ålreit arbeidsplass for kvinnelege elektrikarar, meiner Kristine Wendt. No håpar ho stortingsfleirtalet vil bruke metoo-kampanjen til å kjempe hardare mot seksuell trakassering på norske arbeidsplassar.
Fire fagforbund i privat sektor foreslår arbeidsmiljølovendring som tiltak mot seksuell trakassering:
Vil gje makt til verneombod
Undersak

SV har (delvis) trua

I vinter samla statsminister Erna Solberg frå Høgre alle partia til møte om seksuell trakassering.

No arbeider partia med eit metoo-forlik på Stortinget, mellom anna bygd over framlegg frå Raudt og SV.

Freddy André Øvstegård er SVs medlem av familie- og kulturkomiteen på Stortinget. Han trur det kan bli gjennomslag.

– Det er eit gjennombrot at vi får politiske svar mot seksuell trakassering. Det har mange etterlyst, seier han.

Framlegga handlar mellom anna om krava frå dei fire fagforbunda (sjå hovudsak), i tillegg til å styrkje seksualundervisning i barnehage og skule.

– Vi går inn i forhandlingane med høge forventingar. Folk ventar at vi skal greie å gjere noko. Det verkar som at vi kan flytte noko her, seier Øvstegård.

Resultatet av forhandlingane blir klart i midten av mars.

NOK: Fire fagforbund vil endre lova så verneomboda kan arbeide hardare mot sextrakassering. – Det var verneombodet som hjelpte meg, fortel elektrikar og klubbleiar Kristine Wendt.

SEKSUELL TRAKASSERING

Ein gjeng karar i eit stillas på ein byggjeplass ser ei kvinne gå forbi. Dei plystrar og roper på henne. Og ho veit det godt: Går ho berre vidare, er ho prippen. Snur ho seg, er ho innbilsk.

Omtrent sånn er sjølve klisjeen om uønskt seksuell merksemd. Og akkurat dette har Kristine Wendt opplevd meir enn nok av.

Ho er elektrikar i Caverion og klubbleiar for EL og IT Forbundet. For tida er ho ei av mange hundre som arbeider med å reise det nye Nasjonalmuseet på Vestbanen i Oslo–Noregs største byggjeplass. I klubben er det 145 medlemer. Færre enn ti er kvinner.

– Det handlar om inkluderande arbeidsliv. Det skal vere mogleg å jobbe i alle yrke. Då kan det ikkje vere trakassering der. Ved å ha macho haldningar skyv du nokon vekk frå jobben, fortel Wendt til Klassekampen.

Sjølv har ho blitt meir merksam på slike spørsmål år for år.

– Eg byrja i læra då eg var 17 år. Då tenkte eg at det var ting eg berre måtte godta av dårlege kommentarar og liknande. Eg var åleine. Det var vanskeleg å ta opp ting og eg var usikker på kva haldningar som var dei rette.

Fakta

Trakassert på jobben:

• EL og IT Forbundet, Fellesforbundet, Fellesorganisasjonen og Handel og Kontor har gått saman om eit brev til stortingspartia med desse krava:

• Kamp mot seksuell trakassering bør inn i arbeidsmiljølova.

• Noreg må få eit lågterskeltilbod som kan handheve forbodet mot seksuell trakassering.

• Verneomboda må få ei viktigare rolle i arbeidet mot seksuell trakassering.

Lange blikk og foto av pikk

Wendt fortel om fleire episodar og historier om kommentarar, blikk og andre tilnærmingar frå menn.

– Og pikkbilete! Eg har verkeleg fått min dose, seier Wendt.

Vendepunktet kom i 2012, då Wendt starta på eit prosjekt med ei anna kvinne.

– Då prata vi meir saman om kva som var greitt og ikkje, og verneombodet vårt melde frå til basen.

Ho er godt nøgd med Caverion, som ho meiner tek tak i strukturane. Mellom anna tok HMS-koordinator tak i problema, slik at dei ikkje lenger skulle kvile på kvar enkelt kvinne.

Saman om verneombod

EL og IT Forbundet, Fellesforbundet, Fellesorganisasjonen og Handel og Kontor har no gått saman om eit brev til stortingspartia. Dei vil at arbeidsmiljølova skal endrast slik at HMS-arbeidet skal omfatte kamp mot seksuell trakassering. Dei bed også om eit lågterskeltilbod for å handheve forbodet mot slik trakassering, og vil at verneombodet skal få ei viktigare rolle i arbeidet. Då må vedkomande få meir opplæring.

Wendt har tru på framlegga.

– I vårt tilfelle var det verneombodet som hjelpte. Men ikkje alle verneombod kan dette. Det er jo gjerne ein kollega det er snakk om, og då er det vanskelegare å ta tak i om du ikkje har fått oppdraget med å slå ned på seksuell trakassering, meiner Wendt, og legg til:

– Ofte er det jo ein bestekompis av verneombodet det blir meldt om.

Dei fire forbunda meiner alvoret er stort, og at det er all grunn til å gje saka plass i arbeidsmiljølova: «Erfaringene fra #metoo viser at vi må tenke på seksuell trakassering som en risiko på lik linje med det å få en fysisk skade på en byggeplass», skriv dei i brevet.

politikk@klassekampen.no

Fredag 22. juni 2018
VIL PRØVE: Varaordføreren i Oslo mener Arbeiderpartiet bør støtte regulert salg av cannabis for å hindre at organiserte kriminelle håver inn millioner.
Torsdag 21. juni 2018
NARKO: Dei kriminelle gjengane i Oslo distribuerer narkotika ut i landet. – Me er uroa for utviklinga i Oslo, seier politiinspektør Are Sangolt i Vest politidistrikt.
Onsdag 20. juni 2018
TREND: Fleire røyker hasj. Fleire med psykiske plager. Og mindre tid på leksearbeid. Det er blant resultata etter at 25.000 har svart på ei ungdomsundersøking.
Tirsdag 19. juni 2018
NEKTER: Kommunalministeren vil la Troms overkjøre Finnmark. Tromspolitikere fra Rødt, SV og MDG sier blankt nei, og nekter å overstyre finnmarkingene.
Mandag 18. juni 2018
HØRING: Faresignalene har vært mange det siste året. I dag må byrådsleder R­aymond Johansen (Ap) svare på hva han har tenkt å gjøre for å bekjempe ungdomskriminaliteten i Oslo.
Lørdag 16. juni 2018
PÅ DØRA: Reklameguru Ingebrigt Steen Jensen og samboeren Trude Solheim er lei av at Arbeiderpartiet ikke skaper entusiasme, og fremmer ti saker som de håper kan gjenreise partiet.
Fredag 15. juni 2018
BØYER IKKE AV: Finnmark vil møte trusler fra regjeringen med sivil ulydighet. Regjeringen lover represalier.
Torsdag 14. juni 2018
RAUD ELLER DAUD: Støre meiner tida etter valnederlaget har gjort han meir oppteken av å finne løysingar på venstresida. Om 15 månader kjem folkets dom.
Onsdag 13. juni 2018
INNTOG: Amerikanske marinesoldater skal til Indre Troms – og blir der i fem år. Opposisjonen reagerer på regjeringens forsvarspolitikk.
Tirsdag 12. juni 2018
ADVARTE: Allerede i 2016 advarte ­Statsadvokaten mot gjenger og alvorlige konflikter i Oslo. Nå er situasjonen forverret, heter det i en fersk tilsyns­rapport.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk