Debut-trioen Gurls: Med nyskapande instrumentering og sjølvironiske tekstar utfordrar bandet sjangranes tolegrenser.
Når tre av landets fremste jazzmusikarar går saman, vil dei at du skal danse, skjerpe øyra – og bli litt flau.
I eit gråleg, lite øvingsrom på Grünerløkka sit saksofonist Hanna Paulsberg med lue på hovudet og skjerf rundt halsen. Ho masserer beina med ullsokkar på, og trer ei dunkåpe over seg som teppe. Gradestokken visar ti blå, og vokalist Rohey Taalah snurrar også skjerfet på. Med eitt medlem – bassist Ellen Andrea Wang – nede for telling med sjukdom, har dei ingen fleire å miste før bandet skal varme opp for a-ha.