Lørdag 13. januar 2018
TAR SJØLVKRITIKK: Høgre innrømmer at dei ikkje har handtert innkomne varsel om seksuell trakassering på ein god måte. I går møtte generalsekretær Jan-Ragnar Aarset pressa. Foto: Terje Bendiksby, NTB scanpix
• Saker om seksuell trakassering i alle ungdomsparti • Unge Høgre stenger krana
Splitta om alkoholbruk
STANS: Unge Høgre innfører umiddelbar alkoholforbod på ubestemt tid etter Riise-saka. Ungdomspartia er delt om alkoholbruk på partisamlingar.

METOO

I går blei det kjent at Unge Høgre innfører totalforbod mot alkohol på ubestemt tid.

Dette er eit av fleire grep Høgre og Unge Høgre gjer etter at Unge Høgre-nestleiar Kristian Tonning Riise trekte seg og det kom inn ei rekke varsel om Riise.

Under ein pressekonferanse i går sa generalsekretær John-Ragnar Aarset at alkohol har vore ein del av problemet.

– Det har til tider vore for mykje alkohol, og det er ugreit i ein organisasjon der mange er under 18 år, seier Aarset.

Fakta

Seksuell trakassering:

• Denne veka trekte Unge Høgre-leiar Kristian Tonning Riise seg frå vervet. Han viste til #metoo-kampanjen og at han har utvist dårleg dømmekraft.

• Unge Høgre og Høgre sa i går at dei har svikta i oppfølging av varsel om Riise.

• Blant strakstiltak Unge Høgre gjennomfører, er eit alkoholforbod og nye kanalar for varsling.

• Handtering av ei varslingssak var i går også tema under KrFUs landsstyre.

• I kjølvatnet av Trond Giske- saka sluttar Arbeidarpartiet å betala for alkohol under partisamlingar.

Ulike reglar

Klassekampen har vore i kontakt med alle ungdomspartia om seksuell trakassering og alkoholkultur.

Gjennomgangen viser at variasjonen i alkoholregelverk er stor.

I AUF, Sosialistisk Ungdom, Grøn Ungdom, KrFU og Raud Ungdom er det alkoholforbod på eigne arrangement.

Unge Venstre opnar for alkohol, men har totalforbod mot sprit og ei armbandsordning for å hindra at medlemmar under 18 år drikk alkohol.

Senterungdommen opnar for alkohol, men har ei ordning på sine arrangement og styremøte om at minimum 10 prosent av deltakarane over 18 år skal vera edru. Senterungdommen betaler ikkje for alkohol.

FpU opnar for alkohol, men alle medlemmar pliktar til å passa på at personar under 18 år ikkje drikk alkohol.

Samtlege av ungdomspartia meldar at dei har hatt varsel eller bekymringsmeldingar om seksuell trakassering dei siste åra.

Tar ikkje rekninga

Torsdag gjorde Ap-leiar Jonas Gahr Støre det kjent at Arbeidarpartiet ikkje lengre vil ta alkoholrekninga under partisamlingar.

«Alkohol er elefanten i rommet. Det visker ut grenser og fører til at folk gjør ting de ikke burde gjøre», sa Støre, som ikkje innfører forbod mot alkohol, men vil senda eit signal ved å ikkje betala for alkoholen.

Det er ulikt syn blant ungdomspolitikarane om dette er smart eller ei.

SU-leiar Andrea Sjøvoll vil ha endå strengare reglar.

– Eg synst me skal vera endå strengare, både på ungdomsarrangement og i andre høve der ungdom og vaksne møtest. Eg meiner at ein kanskje ikkje skal ha alkohol.

– Er fara for seksuell trakassering større i samanhengar med alkohol?

– Ja, det trur eg. Det ser me i sakene som har vore oppe i media, men eg trur i utgangspunktet det handlar om for lite medvit om problematikken. Ein kan ikkje seia at fylla har skulda. Det handlar om menn med makt som utnyttar posisjonen sin, seier ho.

Guri B. Barka Martins, generalsekretær i Grøn Ungdom, seier dei jobbar for strengare reglar i moderpartiet. Generalsekretær i FpU Tonje Lavvik trur ikkje at gratis alkohol er eit problem.

«Jeg mener dette er å starte i feil ende. Det er ikke det glasset med vin du får til middagen som er problemet. Problemet er det man eventuelt drikker på et hotellrom etterpå og påfølgende oppførsel fra enkelte. Jeg mener det blir feil å gjemme seg bak alkohol. Dette er trolig ikke en løsning som bidrar til å løse #metoo-problemene i Arbeiderpartiet», svarar Lavvik.

Generalsekretær Eirik Natlandsmyr i Unge Venstre seier han trur risikoen for å bli utsett for seksuell trakassering blir større i samanhengar med alkohol, men meiner ikkje nulltoleranse er vegen å gå.

– Det er viktig å jobba med alkoholkulturen. Me slår hardt ned på om folk drikk for mykje. At me forbyr sprit, gjer det lettare å kontrollera. Me innførte det for nokre år tilbake. Då blei det mindre fyll, seier han.

innenriks@klassekampen.no

Lørdag 22. september 2018
BØNN: – Jeg ligger våken om natta og ber for Inga Marte Thorkildsen, sier Åse Pedersen. Vi tok tempen på Thorkildsen-saken på et lærerværelse.
Fredag 21. september 2018
VOLD: – Dette er systemsvikt og et direkte resultat av norsk asylpolitikk. Disse guttene tåler ikke mer, sier Ine Johannessen, tidligere verge for den siktede i dobbeltdrapssaken i Trondheim.
Torsdag 20. september 2018
KRITISK: Varselet mot skolebyråd Inga Marte Thorkildsen kan ende med at varslerne får sparken, tror advokat Olav Lægreid. Han mener det er gjort flere feil i varslingen.
Onsdag 19. september 2018
SNUDDE: Etter «nærmere dialog med departementet» stokket forsvarssjefen om på innstillingen til ny sjef i Heimevernet. Dermed rykket Eirik Kristoffersen opp fra bunnen til toppen av lista.
Tirsdag 18. september 2018
MEGAPROSJEKT: Equinor søker Enova om 2,5 milliarder i støtte for å elektrifisere to oljefelt med havvind. Det tilsvarer hele Enovas støttepott i fjor.
Mandag 17. september 2018
HØVLAR: Kutt i sjukehusbudsjett skal spara millionar. No åtvarar både tillitsvalde og direktørar om at det går ut over pasientar og arbeidsvilkår.
Lørdag 15. september 2018
IVRIG: Statsministeren hyllet amerikanske soldater i forkant av norgeshistoriens største Nato-øvelse. Landet rundt forberedes motdemonstrasjonene.
Lørdag 15. september 2018
LOVBRUDD: Juss­professor Geir Ulfstein mener Norge brøt FN-mandatet for Libya-operasjonen.
Fredag 14. september 2018
BOMBER: 9. mai 2011 sa Jonas Gahr Støre til Stortinget at Gaddafi ikke var et mål for krigen. Omtrent samtidig deltok Norge i bombingen av diktatorens hovedkvarter.
Torsdag 13. september 2018
UKLART: Begge fløyene i Ap er fornøyde med migrasjonsutvalgets innstilling. Ekspertene mener den er uklar.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk