Tirsdag 12. desember 2017
SAMLA LAG: Landsstyret i Frp er einige om at Venstre og Frp kan forhandle om regjering saman. Det er meir enn ein kan seie om landsstyret i Venstre. Her er Frp-leiar Siv Jensen og nestleiar Per Sandberg på landsmøtet i partiet våren 2017. Foto: Marthe Amanda Vannebo
• Ein av tre i Venstres landsstyre stemte mot forhandlingar • Frp var samrøystes
Meir samla enn Venstre
Undersak

Frp: Ikkje rør Sylvi Listhaug

I Venstre er det snakk om at å gå i regjering kan gje høve til å flytte på innvandrings­minister Sylvi Listhaug (Frp).

Fleire av fylkesleiarane i Frp vil ha slutt på det snakket.

– Vi driv med politikk. Det er berre tull med eit sånt krav, Listhaug er den siste vi vil flytte på, seier Liv Gustavsen, fylkesleiar i Akershus.

– Eg veit ikkje om eg skal uttale meg om det, seier Gustav Bahaus, fylkesleiar i Hordaland, før han likevel legg til:

– Men du har vel kanskje fått med deg diskusjonen om Carl I. Hagen og Nobelkomiteen? Då kan du tenkje deg sjølv kva vi meiner om at andre skal meine noko om kor våre folk skal sitja.

– For å oss er det uaktuelt å flytte på Listhaug fordi eit anna parti ønskjer det, seier Allan Ellingsen, Frps fylkesleiar i Nordland.

Frank Sve
SPLITTA HERSK: Frps landsstyre er meir samla om at Venstre skal gå i regjeringsforhandlingar enn kva Venstres landsstyre er.

REGJERINGS-FORHANDLING

Den nest siste helga i oktober hadde både Venstre og Framstegspartiet landsstyremøte. Hos Frp blei spørsmålet om regjeringsforhandlingar med Venstre – og Høgre – drøfta. Og sjølv om det er delte meiningar i både Frp-landsstyret og i partiet elles om kor vidt det er heldig med ei trepartiregjering, var konklusjonen klar:

Eit samrøystes landsstyre sa ja til å gje leiinga fullmakt til å gå i forhandlingar med Venstre med sikte på å danne ny regjering.

Det får Klassekampen opplyst frå ei lang rekkje uavhengige kjelder i partiet.

Fleire peikar på at det var kritiske ytringar i debatten før vedtaket, men at landsstyret til slutt samla seg om forhandlingsvedtaket.

Dette står i skarp kontrast til landsstyret i Venstre i helga, der kvar tredje delegat røysta mot Trine Skei Grandes framlegg om å gå i forhandlingar.

Fakta

Venstre i regjering:

• Landsstyret i Venstre gav laurdag stortingsgruppa eit råd om å byrje forhandlingar med regjeringspartia Høgre og Frp om å bli ein del av regjeringa.

• I etterkant av dette har stortingsgruppa vedteke at dei følgjer rådet. Forhandlingane byrjar etter planen over nyttår.

• KrF har gjort det klart at dei ikkje vil vere med på forhandlingar om regjeringsdeltaking.

Elleve røysta mot

Ifølgje NRK røysta elleve personar for eit framlegg frå Odd Einar Dørum om at partiet skal stå utanfor regjering og heller samarbeide som opposisjonsparti. 24 personar røysta mot dette framlegget, melder kanalen.

Betre med enn mot

Klassekampen har snakka med 14 av Frps 19 fylkesleiarar, i tillegg til Framstegspartiets Ungdom. Alle seier at dei er positive og stør vedtaket. Ein del av forhandlingsvedtaket er at leiartrioen skal kome tilbake til landsstyret for å få ei godkjenning av forhandlingsresultatet. Dette gjeld òg om forhandlingane med Venstre raknar og det berre blir forhandlingar med Høgre.

Leif Eriksen, fylkesleiar i Østfold, trur det kan blir betre om Venstre sit i regjeringa.

– Ja, det kan vel verke positivt. Det er kanskje betre å ha dei med oss enn mot oss, men det er langt fram enno, seier Eriksen.

Frank Sve i Møre og Romsdal er av same oppfatting: «Vi er positive til dette, ja», skriv han i ei tekstmelding til Klassekampen.

Klima og innvandring

Ikkje uventa er det klima og innvandring som blir dei vanskelegaste sakene, ifølgje Frp-arane.

– Det er ingen løyndom at det er stor avstand når det gjeld klima og innvandring. Men dei siste fire åra har vi kome fram til gode løysingar, seier Bjørn-Kristian Svensrud, leiar for Framstegs­partiets Ungdom.

– Det er rimeleg openbart at det grøne skiftet og innvandring og integrering er krevjande saker, seier Roy Steffensen, fylkesleiar og stortingsrepresentant frå Rogaland.

Fleire av fylkesleiarane seier at dei gjerne skulle sett ei firepartiregjering, slik også samarbeidsavtalen mellom Frp, Høgre, Venstre og KrF opna for i 2013.

I Venstre er synet langt meir delt enn det er i Frp. I går skreiv Klassekampen om korleis halvparten av ordførarane var kritiske til å gå i forhandlingar.

NRK melde søndag at Venstre-nestleiar Terje Breivik var ein av dei som var kritiske til å sitje ved forhandlings­bordet med Frp.

politikk@klassekampen.no

Onsdag 19. september 2018
SNUDDE: Etter «nærmere dialog med departementet» stokket forsvarssjefen om på innstillingen til ny sjef i Heimevernet. Dermed rykket Eirik Kristoffersen opp fra bunnen til toppen av lista.
Tirsdag 18. september 2018
MEGAPROSJEKT: Equinor søker Enova om 2,5 milliarder i støtte for å elektrifisere to oljefelt med havvind. Det tilsvarer hele Enovas støttepott i fjor.
Mandag 17. september 2018
HØVLAR: Kutt i sjukehusbudsjett skal spara millionar. No åtvarar både tillitsvalde og direktørar om at det går ut over pasientar og arbeidsvilkår.
Lørdag 15. september 2018
IVRIG: Statsministeren hyllet amerikanske soldater i forkant av norgeshistoriens største Nato-øvelse. Landet rundt forberedes motdemonstrasjonene.
Lørdag 15. september 2018
LOVBRUDD: Juss­professor Geir Ulfstein mener Norge brøt FN-mandatet for Libya-operasjonen.
Fredag 14. september 2018
BOMBER: 9. mai 2011 sa Jonas Gahr Støre til Stortinget at Gaddafi ikke var et mål for krigen. Omtrent samtidig deltok Norge i bombingen av diktatorens hovedkvarter.
Torsdag 13. september 2018
UKLART: Begge fløyene i Ap er fornøyde med migrasjonsutvalgets innstilling. Ekspertene mener den er uklar.
Onsdag 12. september 2018
ASYL: Storbylagene vil at Arbeiderpartiet skal snu om returer av sårbare grupper. I dag kommer migrasjonsutvalgets innstilling om asylpolitikk.
Tirsdag 11. september 2018
NY FRIST: Unge Høyre-leder Sandra Bruflot ber regjeringen innføre foreldelsesfrist for tilbakekall av statsborgerskap. Hun får følge av Unge Venstre, mens FpU er i tenkeboksen.
Tirsdag 11. september 2018
OPPGITT: Tillitsvalgte i Aleris Ungplan og Boi mener Fagforbundet har «glemt dem på gulvet» i striden.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk