Mandag 20. november 2017
PINE: KrF-leiar Knut Arild Hareide er blant arkitektane bak regionreforma, men fleire i partiet tar til orde for å stoppa Viken når Stortinget på ny skal avgjera saka.Foto: Frida Holsten Gullestad
• KrF i Østfold og Buskerud ber partiet snu om Viken • Men Akershus seier nei
Strid i KrF om Viken
OMKAMP: Regjeringspartia, KrF og Venstre oppretta gigantfylket Viken på Aust­landet. No vurderer KrF å snu om ­millionregionen rundt Oslo.

REGION- REFORM

Opprettinga av gigantregionen Viken – ei tvangssamanslåing av Buskerud, Akershus og Østfold, er blitt Kristeleg folkepartis store hovudpine denne hausten.

Opposisjonen har nemleg invitert til omkamp og KrF har stemmene som trengst for å skrinleggja Viken, fylket som dei færraste vil ha.

Stortingsgruppa til KrF har framleis ikkje konkludert i saka, men Klassekampen veit det er sprikjande syn i stortingsgruppa om regionreforma.

Fakta

Regionreforma:

• Vedtatt på Stortinget i juni. Inneber at nitten fylke er erstatta av elleve regionar.

• Nordland (240.000), Møre og Romsdal (265.000) og Nord-Norge (241.000) blir dei minste regionane, mens Viken med sine nær 1,2 millionar innbyggarar blir størst.

• Opposisjonen på Stortinget har fremja fleire forslag om deling/at fylka sjølv skal få bestemma.

• Kommunalkomiteen skal levera si innstilling i sakene torsdag 30. november.

Stort nederlag

Regionreforma, som inneber færre og større fylke, var KrF og Venstre sin reform. Tanken er at store regionar skal stoppa sentraliseringa inn mot Oslo.

Til Klassekampen sa partileiar Knut Arild Hareide nyleg at hovudjobben framover blir å få fleire oppgåver ut til regionane.

– Det vil vere eit stort nederlag om vi ikkje lukkast med regionreforma, sa han.

Men også i KrF meiner mange at Viken, som får 1,2 millionar innbyggjarar, er blitt i største laget – dobbelt så stor som Oslo, det nest største fylket.

Stortingsgruppa til KrF diskuterer i desse dagar om det er mogleg å stoppa opprettinga av Viken – utan at det veltar heile reforma.

To for og ein mot i Viken

Blant dei tre involverte fylkeslaga, er to for og eit i mot.

Både fylkesleiar i KrF Buskerud Hege Irene Fossum og fylkesleiar i Østfold Brynjar Høidebraaten ber stortingsgruppa om å snu om Viken, mens fylkesvaraordførar i Akershus Lars Salvesen (KrF) åtvarar mot å gjera endringar i det nye regionkartet.

– Saka er ikkje endeleg avgjort. Me har vore i dialog med stortingsgruppa og ventar på ei avgjerd. Det er ikkje ei enkel sak som dei tar lett på, seier Høidebraaten i Østfold KrF.

Han seier Østfold KrF ønsker å dela Viken. Han understrekar at Østfold KrF er open for å gjera det på ulike måtar.

– Me i Østfold KrF ønsker å dela Viken i to. Me har ikkje sagt noko om korleis me ser for oss det kan gjerast. Østfold eller Buskerud kan stå aleine, eller ein kan la alle fylka stå aleine. Eller dela Akershus, seier han.

Grip til gamle grenser

Han meiner det er ei svakheit ved regionreforma at det er dei gamle fylkesgrensene som dannar grunnlaget for dei nye regiongrenser.

– Heile regionreforma er blitt slik at ein ikkje teiknar nye regiongrenser, ein pussar berre ut nokre grenser mellom fylka. Ein burde sett grundigare på dette, seier han.

Også statlege etatar er i gang med å vurdera nye grenser, som konsekvens av regionreforma.

Som Klassekampen skreiv før helga, har Arbeids- og velferdsetaten (Nav) derimot bestemt seg for å dela Viken i to.

Fossum, fylkesleiar i Buskerud KrF, synst det er interessant.

– Det gir eit signal om at fleire aktørar ser at det er lite føremålstenleg med Viken som ny region, seier ho, som meiner Stortinget bør gjera det same.

Salvesen, som sit på fylkestinget for KrF i Akershus og er fylkesvaraordførar, seier derimot at Viken er vedtatt og er svært kritisk til å dela Akershus.

– Me er opne for å finna løysingar, men me synst det er ei dårleg løysing å dela Akershus i to. Det løyser ikkje utfordringane me har i høve til Oslo, seier han, men han er einig i at det er ei utfordring at regionen får 1,2 millionar innbyggjarar.

– Men no har KrF gått inn for denne avtalen på Stortinget, då har det ingen hensikt å reversera det, seier han.

Ikkje representert

Skjebnen til Viken ligg uansett i hendene på KrF-politikarar som ikkje kjem frå dei tre fylka.

KrF har ikkje representantar på Stortinget frå Østfold, Buskerud eller Akershus lenger. Salvesen meiner det er eit stort problem.

– Det verste eg kan tenka meg er at det sit ein gjeng vestlendingar som tenker at dei veit korleis Austlandet skal vera. Eg er uroa for at dei ikkje forstår korleis samspelet med Oslo fungerer, seier han, men legg til at fylkeslaga er blitt involverte godt i prosessen som går føre seg i stortingsgruppa til KrF.

– KrF er i ein ny posisjon, meir fristilt, på vippen. No forsøker ein å finna ut kva rolle ein skal ha. Dette er både forbanninga og velsigninga å vera på vippen, seier Salvesen, og legg til.

– Me trur på den sunne fornuft. Men det er ikkje avgjort.

anneh@klassekampen.no

Artikkelen er oppdatert: 20. november 2017 kl. 11.30
Onsdag 19. september 2018
SNUDDE: Etter «nærmere dialog med departementet» stokket forsvarssjefen om på innstillingen til ny sjef i Heimevernet. Dermed rykket Eirik Kristoffersen opp fra bunnen til toppen av lista.
Tirsdag 18. september 2018
MEGAPROSJEKT: Equinor søker Enova om 2,5 milliarder i støtte for å elektrifisere to oljefelt med havvind. Det tilsvarer hele Enovas støttepott i fjor.
Mandag 17. september 2018
HØVLAR: Kutt i sjukehusbudsjett skal spara millionar. No åtvarar både tillitsvalde og direktørar om at det går ut over pasientar og arbeidsvilkår.
Lørdag 15. september 2018
IVRIG: Statsministeren hyllet amerikanske soldater i forkant av norgeshistoriens største Nato-øvelse. Landet rundt forberedes motdemonstrasjonene.
Lørdag 15. september 2018
LOVBRUDD: Juss­professor Geir Ulfstein mener Norge brøt FN-mandatet for Libya-operasjonen.
Fredag 14. september 2018
BOMBER: 9. mai 2011 sa Jonas Gahr Støre til Stortinget at Gaddafi ikke var et mål for krigen. Omtrent samtidig deltok Norge i bombingen av diktatorens hovedkvarter.
Torsdag 13. september 2018
UKLART: Begge fløyene i Ap er fornøyde med migrasjonsutvalgets innstilling. Ekspertene mener den er uklar.
Onsdag 12. september 2018
ASYL: Storbylagene vil at Arbeiderpartiet skal snu om returer av sårbare grupper. I dag kommer migrasjonsutvalgets innstilling om asylpolitikk.
Tirsdag 11. september 2018
NY FRIST: Unge Høyre-leder Sandra Bruflot ber regjeringen innføre foreldelsesfrist for tilbakekall av statsborgerskap. Hun får følge av Unge Venstre, mens FpU er i tenkeboksen.
Tirsdag 11. september 2018
OPPGITT: Tillitsvalgte i Aleris Ungplan og Boi mener Fagforbundet har «glemt dem på gulvet» i striden.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk