Torsdag 9. november 2017
NEI: Trygve Magnus Slagsvold Vedum, leiar i Senterpartiet, synst ikkje noko om at KrF og Venstre fekk regjeringa med på å slå saman Finnmark og Troms.
Stor motstand i Finnmark mot å bli slått saman med Troms, viser ny undersøking:
Samanslåing? Nei takk
Undersak

Håpar Kristeleg Folkeparti snur

Randi Karlstrøm er tidlegare stortingsrepresentant for Finnmark KrF. No leier ho ein tverrpolitisk aksjon for at Finnmark skal halde fram som eige fylke.

– Eg håpar KrF lyttar til Finnmark, for finnmarkingen er ikkje dum. Dei skjønar kva dette går ut på, seier ho.

Karlstrøm seier ho er glad for at motstanden «slår så tydeleg ut i mitt eige parti»: 52 prosent av dei spurde KrF-veljarane er mot, medan 24 prosent stør samanslåinga.

Ho lever i vona om at KrF vil bruke vippemakta på Stortinget til å stanse tvangssamanslåinga – og trur meiningsmålinga kan bidra til det.

– KrF har ikkje konkludert så langt. Så eg har eit håp om at KrF vil reversere tvangsvedtaka og seie at dette må vente til oppgåvene som skal bli delegert frå staten til mellomnivået er klart.

Ole Gustav Narud
FISJONSKRAFT: To av tre finnmarkingar seier nei til tvangssamanslåinga med Troms fylke, men reforma stoppar ikkje. – Sp må få kink i nakken av å sjå seg så mykje bakover, seier Sanner.

REGION-­REFORM

– Finnmark og Troms har enorme avstandar. Til saman blir det nye fylket større enn Irland, seier Trygve Magnus Slagsvold Vedum, leiar i Senterpartiet.

Han er tydeleg frustrert over at samanslåinga mellom Troms og Finnmark ser ut til å bli røyndom.

Han er ikkje den einaste: Ei ny undersøking, utført av Infact for Lokalsamfunnsforeningen, viser at to av tre finnmarkingar seier nei til samanslåinga.

Til saman har 813 finnmarkingar fått spørsmålet «Hvordan forholder du deg til sammenslåingen av Troms og Finnmark?», og svara fordeler seg slik:

67 prosent meiner «Finnmark bør bestå som eget fylke, som i dag».

24,8 prosent svarer «Finnmark bør slås sammen med Troms fylke».

8,1 prosent svarer at dei ikkje veit.

Undersøkinga blei utført 1. november.

Ole Gustav Narud, leiar i Lokalsamfunnsforeningen, meiner den må få Stortinget til å snu.

– Lokale folkevalde og folket ønskjer ikkje dette. Det er ikkje i Noregs interesse å slette Finnmark som fylke. Dette er ein ideologisk kamp der regjeringa vil leggje ned alle fylka, men det er spesielt ille i Finnmark, der avstandane er så store, seier han.

Fakta

Fylkesreforma:

• Eit stortingsfleirtal med Venstre, KrF, Høgre og Frp har blitt einige om at 19 fylke skal bli til 11:

• Oslo

• Viken: Buskerud, Akershus og Østfold

• Innlandet: Hedmark og Oppland

• Vest-Viken: Telemark og Vestfold

• Agder

• Rogaland

• Vestlandet: Hordaland og Sogn og Fjordane

• Møre og Romsdal

• Trøndelag

• Nordland

• Troms og Finnmark

Sanner: Omkampen er over

Kommunal- og moderniseringsminister Jan Tore Sanner frå Høgre er – ikkje overraskande – usamd med Vedum i at det er på tide å avslutte samanslåingane.

– No må omkampanes tid vere forbi. Senterpartiet må få kink i nakken av å sjå seg så mykje bakover, seier Sanner til Klassekampen.

Han meiner Sp ikkje bidreg positivt.

– Fylkespolitikarane arbeider konstruktivt. No må Stortinget skape ro.

Til våren vil eit ekspertutval leggje fram tilråding til kva oppgåver dei nye fylka kan få.

– Vi har allereie gjeve ein serie oppgåver, men er opne for å gje fleire, seier Vedum.

Kosta nesten éin million

I slutten av oktober hadde Troms og Finnmark sitt fyrste felles fylkestingsmøte. Til saman kom reisekostnadene opp i nesten éin million kroner.

Frå Troms chartra politikarane eit eige fly til Kirkenes. Ein som ikkje møtte til det historiske møtet, var kommunalminister Jan Tore Sanner. Han var ifølgje kalenderen på regjeringa.no oppteken på medarbeidarsamling i Høgre.

– Det er arrogant å ikkje møte når ein har kalla inn til møte, seier Sp-leiar Vedum.

politikk@klassekampen.no

Lørdag 18. november 2017
UKVALIFISERT: Bent Arne Aasli har jobbet med vann og avløp siden han var 16 år. Nå mener regjeringen han ikke er kvalifisert til å gjøre jobben sin fordi han ikke har nok studiepoeng.
Fredag 17. november 2017
HASTER: Landet rundt må det nå kuttes ved syke­husene. Årsaken er krav om stadig effektivisering. Strikken strekkes for langt, mener Legeforeningen.
Torsdag 16. november 2017
REGNSKAP: Det er forskjeller i hvor mye ulike innvandrergrupper står for av skatteinntekter. Mens iranere i snitt betaler 94.300 kroner, står polakker for 70.800 skattekroner per hode.
Onsdag 15. november 2017
SJAU: Fjellstrand verft vil ikkje nytte permitterte arbeidarar til nye oppdrag. LO fryktar at verksemda vil kvitte seg med alle fast tilsette.
Tirsdag 14. november 2017
URO: I en fersk rapport varsler Nav om økende kløfter mellom fattig og rik. Fra 2011 til 2015 gikk andelen fattige opp fra 7,7 til 9,3 prosent.
Mandag 13. november 2017
GÅR AV: Allerede i mars var Finans­departementet bekymret for omorganiseringen i SSB. Men Christine Meyer mener hun hadde mandat til å avskilte forskere. Nå fratrer hun stillingen.
Lørdag 11. november 2017
AU: Aldri før har KrF vore målt så lågt på Klassekampens barometer. Hareide håpar ny politikk skal ta KrF ut av skugganes dal.
Fredag 10. november 2017
VIL SNU: Sp-nestleder Anne Beathe Tvinnereim vil trosse asylforliket, myke opp asylpolitikken og finne en «praktisk løsning» for å hjelpe oktoberbarna.
Torsdag 9. november 2017
FISJONSKRAFT: To av tre finnmarkingar seier nei til tvangssamanslåinga med Troms fylke, men reforma stoppar ikkje. – Sp må få kink i nakken av å sjå seg så mykje bakover, seier Sanner.
Onsdag 8. november 2017
TAR FEIL: Sylvi Listhaug og Utlendingsdirektoratet tar feil om at det er trygt å returnere «oktoberbarna» til Afghanistan, fastslår Afghanistan-ekspert Arne Strand. Listhaug skal orientere om sikkerheten i Stortinget i dag.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk