Torsdag 2. november 2017
ARBEIDSRO: Liv Sannes er nestleiar i samfunnspolitisk avdeling i LO og medlem Statistikklovutvalet, nedsett av regjeringa. Ho meiner arbeidet med omorganiseringa i SSB må settast på vent. Foto: Tom Henning Bratlie
Christine Meyer kom offentleg utval i forkjøpet med forskingsomveltingane i SSB:
Kritisk til Meyers hastverk
Øystein Dørum
Christine Meyer Foto: Tom Henning Bratlie
STOPP: Eit offentleg utval fekk i jobb å sjå på SSB si rolle. Men før utvalet fekk konkludert, snudde Christine Meyer byrået på hovudet. No reagerer utvalsmedlem på Meyers metode.

SSB

15. desember skal eit breitt offentleg utval sett ned av Finansdepartementet levera sin rapport om korleis Statistisk sentralbyrå (SSB) bør sjå ut i framtida.

Men før utvalet har konkludert, har SSB-sjef Christine Meyer, som også sit i Statistikklovutvalet, kutta talet på forskarar i byrået frå 75 til 50, og sagt at internasjonal publisering skal vekt­leggast meir framover.

Liv Sannes er nestleiar for samfunnspolitisk avdeling i LO og utnemnt som medlem av Statistikklovutvalet. Ho seier til Klassekampen at det er viktig at lovutvalet får avslutta arbeidet sitt før SSB gjennomfører omfattande endringar av organisasjonen.

Fakta

Omorganisering i Statistisk sentralbyrå:

• Statistisk sentralbyrå (SSB) er i gang med ei stor omorganisering.

• Forskingsavdelinga skal bli mindre. 25 tilsette skal flyttast frå avdelinga til statistikk­avdelinga.

• SSB vil legga meir vekt på internasjonal publisering framover.

• Omorganiseringa er sett på vent, inntil SSB har hatt eit nytt møte med finansminister Siv Jensen (Frp).

– Hastegjennomføring

– Meyer har gripe inn med hastegjennomføring av relativt store inngripande endringar for SSBs moglegheiter til å levera. Det er viktig at lovutvalet får sluttført arbeidet sitt før ein vurderer eventuelle endringar av den karakter som no er sett i gang. Generelt er det positivt at prosessen er sett i bero, seier Sannes.

Det var etter eit møte mellom finansminister Siv Jensen og SSB-direktør Christine Meyer måndag at SSB orienterte om at omorganiseringa er sett på vent.

Lovpålagt eller ei

Statistikklovutvalet blei sett ned i fjor, og fått i mandat å vurdera ei lang rekke problemstillingar, blant anna om det «fortsatt skal være en lovpålagt oppgave for SSB å utnytte statistikken til analyse og forskning».

Sannes meiner at den påbegynte omorganiseringa kan gjera det vanskeleg for SSB å følja opp det lovutvalets til­råding.

– Ja, det kan vanskeleggjera ei god oppfølging av lovutvalets tilrådingar. Uansett bør utvalets innstilling vera ein viktig premiss for den vidare organiseringen av SSB, seier ho.

– Meiner du SSBs forskingsoppdrag skal endrast mykje framover?

– Det vil eg ikkje uttala meg om no. Det er ein del av utvalets arbeid.

Øystein Dørum, sjeføkonom i NHO, sit også i Statistikklovutvalet.

– Er arbeidet i statistikklovutvalet blitt forstyrra av omorganiseringa i SSB og debatten som har oppstått?

– Det har eg ingen kommentar til. Men viss det at SSB stiller denne prosessen i bero, betyr at debatten om korleis SSB skal løysa samfunnsoppdraget sitt i fyrste omgang blir tatt i Statistikklovutvalet, så er det bra. For der høyrer debatten heime.

Blei kalla inn til ministeren

Planane om å omorganisera SSB har skapt uro, òg utanfor byråets vegger. Det resulterte i at finansminister Siv Jensen (Frp) bad Meyer stilla på kontoret for ei orientering.

Til Klassekampen i går sa SVs representant i finans­komiteen, Kari Elisabeth Kaski, at finansministeren bør stansa den planlagde omorganiseringa. Også Senterpartiet har tatt til orde for ein pause.

SSB-direktør Christine Meyer jobbar no med ein plan som skal leggast fram for finansministeren neste veke.

Statistikklovutvalet består av ni medlemmar. Det lukkast ikkje Klassekampen å få kontakt med utvalsleiar Nils-Henrik von der Fehr, økonomiprofessor ved Universitetet i Oslo, i går.

annekarih@klassekampen.no

kjetils@klassekampen.no

Lørdag 18. november 2017
UKVALIFISERT: Bent Arne Aasli har jobbet med vann og avløp siden han var 16 år. Nå mener regjeringen han ikke er kvalifisert til å gjøre jobben sin fordi han ikke har nok studiepoeng.
Fredag 17. november 2017
HASTER: Landet rundt må det nå kuttes ved syke­husene. Årsaken er krav om stadig effektivisering. Strikken strekkes for langt, mener Legeforeningen.
Torsdag 16. november 2017
REGNSKAP: Det er forskjeller i hvor mye ulike innvandrergrupper står for av skatteinntekter. Mens iranere i snitt betaler 94.300 kroner, står polakker for 70.800 skattekroner per hode.
Onsdag 15. november 2017
SJAU: Fjellstrand verft vil ikkje nytte permitterte arbeidarar til nye oppdrag. LO fryktar at verksemda vil kvitte seg med alle fast tilsette.
Tirsdag 14. november 2017
URO: I en fersk rapport varsler Nav om økende kløfter mellom fattig og rik. Fra 2011 til 2015 gikk andelen fattige opp fra 7,7 til 9,3 prosent.
Mandag 13. november 2017
GÅR AV: Allerede i mars var Finans­departementet bekymret for omorganiseringen i SSB. Men Christine Meyer mener hun hadde mandat til å avskilte forskere. Nå fratrer hun stillingen.
Lørdag 11. november 2017
AU: Aldri før har KrF vore målt så lågt på Klassekampens barometer. Hareide håpar ny politikk skal ta KrF ut av skugganes dal.
Fredag 10. november 2017
VIL SNU: Sp-nestleder Anne Beathe Tvinnereim vil trosse asylforliket, myke opp asylpolitikken og finne en «praktisk løsning» for å hjelpe oktoberbarna.
Torsdag 9. november 2017
FISJONSKRAFT: To av tre finnmarkingar seier nei til tvangssamanslåinga med Troms fylke, men reforma stoppar ikkje. – Sp må få kink i nakken av å sjå seg så mykje bakover, seier Sanner.
Onsdag 8. november 2017
TAR FEIL: Sylvi Listhaug og Utlendingsdirektoratet tar feil om at det er trygt å returnere «oktoberbarna» til Afghanistan, fastslår Afghanistan-ekspert Arne Strand. Listhaug skal orientere om sikkerheten i Stortinget i dag.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk