Du kan bla til neste sideBla med piltastene

Eit langt virke som fastlege har lært Marit Hermansen at byrdene ikkje er likt fordelt. Difor brenn ho for eit godt offentleg helsevesen.

På liv og død

Ein ambulanse køyrer forbi utanfor, og ei kort lita stund set ambulanselysa farge på dei våte og mørke gatene. Sirena trenger gjennom husveggane i hovudstaden. Han kryssar Rådhusgata, passerer Legenes hus. Kanskje er det ei fødande kvinne som er på veg til eit av sjukehusa i hovudstaden, kanskje er det ei overdose. Kanskje er det hjerneslag, psykiatri eller eit hjarta som er i ferd med å svikta.