ARBEID: Ordrebøkene fyllest opp for industrien på Vestlandet. Men mange bedrifter melder om krise, og tillitsvalde ved industrigigantar vil ikkje friskmelda arbeidslivet.
Himmelen er blå over verftet på Stord. Skiftarbeidarar går ut og inn porten heile veka. Her ved hjørnesteinsbedrifta Kværner Stord i øykommunen to timar sør for Bergen slo krisa inn med full kraft då oljeprisen stupte og ordrane forsvann i 2014 og 2015. I verftet på Stord har nær 200 personar gått ut portane for godt. Ein god del blei pensjonert, nokre sagt opp.