Mandag 14. august 2017
Skal vi DANSE: Kan KrF-leiar Knut Arild Hareide kome til talarstolen for sin partileiartale? Her er KrF-leiaren i sving under fjorårets arrangement. Foto: Terje Bendiksby, NTB Scanpix
Forsking viser at politikarkontakt er viktigast for organisasjonane på Arendalsuka:
Lobbyistanes dansegolv
Undersak

Hard kamp om merksemda

Miljøstiftinga Zero er ein av dei som er synleg til stades på Arendalsuka. Kommunikasjonssjef Jon Evang seier dei prioriterer hardt når dei vel kva dei vil ha merksemd om:

– Vi finn gjerne to–tre tema vi vil ha fokus på, og så orienterer vi oss mot eitt hovudarrangement. I tillegg takkar vi som regel ja til å delta i andres panel.

I dag har Zero eit møte om å nå målet om utsleppsfri bilpark i 2025. Statsråd Vidar Helgesen og fleire andre toppolitikarar kjem til møtet. Zero har ikkje fått hjelp frå pr-byrå, men Evang fortel at det er blitt ganske vanleg. Han meiner det er vanskeleg å få mediemerksemd:

– Vi bruker ikkje det som eit suksesskriterium, nei.

– Er den uformelle kontakten med politikarar viktig?

– Ja, kan vere det, men det er ikkje avgjerande.

LIKE BARN: Det er den politiske eliten som er mest ettertrakta når organisasjonane flokkar seg til Arendals­uka. Det er langt mindre viktig å møte vanlege folk, viser ny forsking.

ARENDALS-UKA

Minglefest for skravleklassen eller årets viktigaste politiske møteplass? Arendalsuka opnar i dag, og sørlandsbyen blir fylt opp av politikarar, journalistar, næringslivsfolk og ei rekkje organisasjonar.

Eit nytt forskingsprosjekt ser for fyrste gong på kva slags møteplass Arendalsuka eigentleg er.

Ketil Raknes er høgskulelektor og doktorgradsstipendiat ved Høyskolen Kristiania, og i tillegg tilknytt Senter for studier av politisk kommunikasjon (Polkom) ved Universitetet i Oslo. Saman med Arendalsuka skal dei no finne ut meir om korleis Arendalsuka faktisk fungerer for dei som deltek der.

Hundrevis av små og store arrangørar står bak eit temmeleg variert program. Men Raknes viser at målet er det same for svært mange: Å påverke politikarane. Femti prosent av dei som har svart på undersøkinga peikar på dette. Berre ein firedel meiner kontakt med publikum er viktigast. Kontakt med næringsliv, frivillige og media kjem endå lengre ned.

Fakta

Arendals­- under­søkinga:

• I ei ny undersøking kjem det fram at Arendalsuka er viktigare som ein arena for å møte politikarar enn for å møte publikum.

• Undersøkinga er gjennomført av Senter for studier av politisk kommunikasjon (Polkom) ved Universitetet i Oslo i samarbeid med Arendals­uka.

• Spørsmåla i forundersøkinga er sendt ut til alle organisasjonar som hadde meldt seg på Arendalsuka per juni.

• Cirka 480 arrangørar fekk undersøkinga. 219 har svart.

• Neste steg er ei større undersøking i etterkant av årets utgåve av Arendalsuka.

– Fleire bruker pr-byrå

– Det verkar som ein ekstremt viktig arena for lobbyisme. Motivasjonen for å delta er å fange merksemda til nasjonale politikarar i saker som er viktig for aktørane, fortel Raknes.

Sjølv skulle han vite kva han snakkar om: Raknes har arbeidd i PR-byrået Burson-Marsteller og har fartstid som rådgjevar – eller spinndoktor – for SV.

Han fortel at inntrykket er at stadig fleire bruker innleigd hjelp for å vinne kampen om merksemda.

– Fleire bruker PR-byrå for å få dei rette deltakarane og lage dei gode overskriftene, seier Raknes.

Dette er noko av det dei skal studere nærare i del to av prosjektet.

Helse viktigast

I undersøkinga seier 21 prosent av dei som har svart at helse er den viktigaste valkampsaka. Både miljø/energi og skule får 11 prosent, medan arbeidsliv, samferdsel og næring er viktigaste sak for høvesvis 8, 7 og 5 prosent.

– Dette er påfallande, ettersom helse så langt har vore nesten fråverande i valkampen. Men helsebudsjettet er jo ein enormt stor post på statsbudsjettet, og gjeld utruleg mange folk, seier Ketil Raknes til Klassekampen.

Temaet innvandring, som dei siste åra har vore veldig sterkt til stades i den politiske debatten, er nesten fråverande.

– Om lag éin prosent av organisasjonane meiner det er den viktigaste saka, seier høgskulelektoren.

politikk@klassekampen.no

Onsdag 20. september 2017
INTRIGAR: Fylkesordførar og Giske-venn Tore O. Sandvik meiner skuffa Ap-rådgivarar er anonyme intrigemakarar. – Nokon må tøyla rådgivarane, seier han.
Tirsdag 19. september 2017
STILLE I FJØSET: Tidlegare Ap-topp Helga Pedersen meiner partiet må innsjå at dei ikkje nådde gjennom med distrikts­politikken.
Mandag 18. september 2017
NÅR UT: Regjeringen har nådd millioner av potensielle asylsøkere med skremme­budskap via Facebook, hørespill og tegneserier. Å framstille nordmenn som rasister er ett av virkemidlene som brukes.
Lørdag 16. september 2017
PÅ STEINGRUNN: KrF må stå ved det partiet lova før valet, meiner fleire av partiets talent. No byrjar kampen om framtidas KrF.
Fredag 15. september 2017
CV: Høgare utdanning og erfaring frå offentleg sektor og organisasjonslivet kjenneteiknar det store fleirtalet av Aps stortingsrepresentantar. Politikarar frå privat sektor er ein minoritet.
Torsdag 14. september 2017
ENIGE: KrFs vippeposisjon kan bety et politisk skifte i velferds­politikken. Nå er de klare for å gå sammen med Rødt om å stanse veksten i kommersielle velferds­selskaper.
Onsdag 13. september 2017
BYGDEOPPRØR: Ap taper stort i distriktene. En rekke fylkesledere mener partiet har inngått for mange forlik med de borgerlige.
Tirsdag 12. september 2017
UENIGHET: Det blir oppvask i Arbeiderpartiet etter det dårligste valget på 16 år. Flere kilder forteller om sand i partiets valgkampmaskineri.
Mandag 11. september 2017
SV legger sperregrensespøkelset bak seg. Partiet nærmer seg seks prosent og går fra sju til elleve mandater.
Mandag 11. september 2017
UT: 320 ansatte i bemanningsbyrået Propuro har fått brev fra sjefen hvor de bes melde seg ut av Fellesforbundet innen en uke. Ledelsen i selskapet advarer mot forbundets støtte til Ap.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk