Tirsdag 13. juni 2017
UKLOKT: Trygve Slagsvold Vedum meiner regjeringa legg opp til ein useriøs skinndebatt når dei pressar kommunane til å ta viktige avgjerder i fellesferien. Foto: Marthe Amanda Vannebo
Regjeringa har fått dårleg tid og hastar gjennom kommunesamanslåingane:
Samanslåing i ferien
HASTVERK: Jan Tore Sanner (H) bed alle kommunane som skal slå seg saman om å haste seg gjennom viktige avgjerder midt i fellesferien.

Kommune reform

Torsdag sist veke vedtok Stortinget å slå saman 111 kommunar til 43 nye.

Alt dagen etter sende Kommunal- og moderniserings­minister Jan Tore Sanner (H) brev til kommunane som skal slå seg saman om at dei må halde fellesmøte innan 1. juli.

På det møtet skal dei diskutere namn, kor mange representantar det skal vere i det nye kommunestyret, og samansetting og kva for funksjonar fellesnemnda som står for arbeidet med samanslåinga skal ha.

Departementet skriv òg at eit slikt fellesmøte vil vere ein god arena for å diskutere vanskelege tema funksjonsdelingar mellom kommunane.

Fakta

Kommunereforma:

• 8. juni vedtok Stortinget å slå saman 111 kommunar til 43 nye. Til saman i kommune­reforma vert 121 kommunar slått saman til 47.

• Samanslåingane skal gjelde frå 1. januar 2020. Då vil det vere 354 kommunar i landet.

• Kommunal- og moderniseringsdepartementet bed alle kommunane om å bli ferdig med avgjerder som namn, funksjonsdeling og storleik på kommunestyret innan 25. august.

Djevelen ligg i merknadane

Denne tidsplanen har departmentet fått frå Stortinget, der regjeringspartia og støttepartia har skrive i ein merknad i kommuneproposisjonen at «enighet om funksjonsfordeling og andre ting som skal være avklart mellom kommunene bør være endelig besluttet og avklart før 25. august».

Leiar i Senterpartiet Trygve Slagsvold Vedum kallar heile prosessen for uansvarleg.

– Det er heilt useriøst, og ein får ikkje nokon reelle debattar når ein hastar behandlinga gjennom sommaren. Då vert det berre ein skinn­prosess, seier han.

Tidsplanen legg opp til at kommunane skal vere ferdige med alle avklaringar og avgjerder to veker før stortingsvalet i september. Det reagerer Vedum på.

– Kommunane vert i praksis ikkje slått saman før 1. januar 2020. Når regjeringa tvingar gjennom samanslåingane før valet, viser det at dei ikkje er opptekne av gode løysingar. Det vert dårlege løysingar og dyre løysingar på denne måten. Eg synest det er uklokt. Men regjeringa veit dei har dårleg tid og at det er val like etter, seier han.

Midt i ferien

På Namdalskysten vert nordlandskommunen Bindal tvangssamanslått med trønderkommunane Leka, Vikna og Nærøy.

Ordførar i Bindal, Britt Helseth (Ap), trur ikkje dei greier å følgje tidsplanen.

– Dette er ikkje gjennomførbart. Eg kan ikkje sjå at me har sjanse til å få til noko møte før 1. juli. Erfaringsmessig går juli og halve august med til ferie, og det er ikkje berre politikk, men òg ein del administrativt som må på plass, seier ho.

Helseth trekkjer fram det å samle representantane som ei vanskeleg oppgåve.

– Den store utfordringa vert å samle alle 82 representantane i kommunane, for me kan ikkje basere dette på vara­representantar, seier ho.

Helstad seier dei skal gjere det dei vert pålagt, og at ho håpar dei kjem i mål før 25. august.

Roan kommune i Sør-Trøndelag vert tvangssamanslått med Åfjord. Ordførar i Roan Einar Eian (H) har ikkje heilt oversyn over om dei greier å følgje tidsplanen.

– Det er knapp tid, det er det. Og det dreg seg mot ferie no. Me skal i møte med Fylkesmannen og får vite meir då, seier han.

Vil ikkje stå på sidelina

På Sunnmøre vert Haram kommune tvangssamanslått med Ålesund, Skodje, Ørskog og Sandøy. Harams ordførar Vebjørn Krogsæter (Sp) trur dei greier å følgje planen frå regjeringa.

– Tidsplanen vår er lagt for ei god stund sidan, så me skal ha eit felles kommunestyre neste veke. Me er i ein litt spesiell situasjon sidan me vert tvangssamanslått med fire andre, og dei er pådrivarar. Me prøver å ikkje bli sitjande på sidelina, seier han.

Må kome raskt i gang

På spørsmål om tidsplanen er forsvarleg og korleis kommunane skal greie fristen, svarar kommunalminister Jan Tore Sanner (H) på e-post:

«Me følgjer opp vedtaket i Stortinget der dei presiserte at kommunar som er vedtekne samanslegne skal kome raskt i gang med arbeidet. Eg trur det er fint å få på plass avklaringar, slik at det vert mindre utryggleik for både tilsette og innbyggjarar. Gode avklaringar på formelle spørsmål gjer at ein kan kome i gang med å diskutere korleis ein skal byggje ein ny velferdskommune saman, planlegge betre tenester til innbyggjarane og sjå framover.»

Han avviser at føremålet er å bli ferdige før valet:

«Eg er ikkje samd i spørsmålet. Det viktige er at kommunar som er vedtekne samanslått kjem raskt i gang med det formelle samarbeidet og diskuterer viktige element når ein ny kommune skal byggjast.»

martina@klassekampen.no

Lørdag 21. oktober 2017
VERST: Amnesty mener Norge har sendt flyktninger i døden. Trønderske Taibeh Abbasi, som risikerer deportasjon til Afghanistan, er frontfigur i en ny internasjonal kampanje mot tvangsreturer.
Fredag 20. oktober 2017
US MARINES: SV krever svar på om de amerikanske marinesoldatene i Norge har kommet for å erstatte en svak landmakt i Norge.
Torsdag 19. oktober 2017
MUSKLAR: Fagforbundets leiar Mette Nord seier alliansebygging er avgjerande for å styrka miljøa som dyrkar idear for ein alternativ politikk.
Onsdag 18. oktober 2017
PÅ VEI: De første soldatene fra US ­Marines kan stasjoneres i norske militærleirer i indre Troms allerede i vinter. Det bekrefter sjefen for den norske Hæren.
Tirsdag 17. oktober 2017
TRENING: Regjeringen legger til rette for økt trening med Nato på norsk territorium. En egen gruppe ser nå på hvordan det kan gjøres i praksis.
Mandag 16. oktober 2017
MEDGIFT: Milliardverdiar kan stå på spel når to vestlandsfylke skal slå seg saman. Motstandarane brukar tvil om kraftmilliardane for å hindre samanslåinga.
Lørdag 14. oktober 2017
NEDERLAG: Ap åpner for å stoppe de planlagte kuttene i Heimevernet. Nå ligger regjeringen an til flere sviende nederlag.
Fredag 13. oktober 2017
FORSKJELL: Finansminister Siv Jensen (Frp) vil gi flere skattekutt som skal «fremme vekst». SV og Rødt mener regjeringen skaper et «kaldere klassesamfunn».
Torsdag 12. oktober 2017
KUTT: Det eneste regjeringen gjør med formuesskatten i 2018-budsjettet, er å gjennomføre aksjerabatten Ap foreslo i skatteforliket.
Onsdag 11. oktober 2017
HANDLING: Norge trenger en handlingsplan mot muslimhat, mener likestillings- og diskrimineringsombud Hanne Bjurstrøm.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk