Torsdag 18. mai 2017
UKLART: Ingen veit om SV skal styre landet frå førarsetet, passasjersetet, baksetet – eller kanskje bagasjerommet? – etter valet til hausten. Men SV-leiar Audun Lysbakken meiner nye tal gjev han brei støtte for SVs hovudkrav. Foto: Siv Dolmen
SV-leiar Audun Lysbakken meiner han har folkets støtte i sine hovudkrav mot Ap:
Folk vil ha fleire lærarar
MOTSTAND: Ei rekkje nye meiningsmålingar viser stor støtte til SVs kampsaker ved dette valet, meiner Audun Lysbakken.

SV

Måling etter måling peikar på det same: Det blir regjeringsskifte til hausten – sjølv om det kan bli jamt.

SV vil gjerne ha ei hand på rattet og vedtok på landsmøtet fem hovudkrav. Graden av gjennomslag vil avgjere om SV går i regjering, skriv ein samarbeidsavtale eller går i full opposisjon.

No lanserer SV ei rekkje nye målingar partiet sjølv har fått utført av Ipsos. Dei viser jamt over ei støtte til SVs hovudkrav – også hos Ap-veljarane.

Ipsos har, på oppdrag frå SV, stilt 933 nordmenn spørsmålet «Hvilket av disse to tiltakene mener du vil være best for å øke kvaliteten i skolen?». 61 prosent meiner at fleire lærarar per elev er viktigast. Berre 36 prosent meiner «styrke kompetansen» er den viktigaste jobben.

– Fleirtalet er samde med oss. Høgre meiner det er for dårleg kvalitet på norske lærarar, medan vi meiner hovudutfordringa er for lite tid til kvar elev, seier Lysbakken.

Undersøkinga viser jo slik sett òg at veljarane er mindre opptekne av etterutdanning av lærarane – som også er SV-politikk.

– Likevel meiner eg dette er ein test på kor skoa trykkjer, seier SV-leiaren.

Fakta

Målinga:

• Målinga er laga av Ipsos MMI for SV.

• Ho blei gjennomført i perioden 24. til 26.april og har 933 respondentar.

• Spørsmåla som blei stilt, var:

• «Dagens sats for barnetrygden er 970 kroner pr måned per barn under 18 år. Satsen er uendret siden 1996. Mener du størrelsen på barnetrygden bør økes, reduseres eller forbli på dagens nivå?»

• «Hvilket av disse to tiltakene mener du vil være best for å øke kvaliteten i skolen? Flere lærere per elev/Styrke kompetansen til lærere.»

• «I dag har eiere av virksomheter som driver velferdstjenester som barnehage, barnevern og asylmottak anledning til å ta ut utbytte selv om inntektene kommer fra det offentlige eller brukere som kjøper tjenestene. Mener du det er riktig eller galt at eiere av virksomheter som driver velferdstjenester kan ta ut utbytte, eller er du ikke opptatt av dette?»

• «For tiden foregår det internasjonale forhandlinger om et atomvåpenforbud. Mener du at: Norge bør stå utenfor disse forhandlingene/Norge bør delta i forhandlingene/Norge bør være en pådriver i forhandlingene.»

Vil auke barnetrygda

SV har òg stilt spørsmål om barnetrygd. Det er som følgjer: «Dagens sats for barnetrygden er 970 kroner pr måned per barn under 18 år. Satsen er uendret siden 1996. Mener du størrelsen på barnetrygden bør økes, reduseres eller forbli på dagens nivå?»

Heile 68 prosent i undersøkinga meiner nivået må opp.

– Tala viser at det er ei veldig sterk støtte folket – og særleg hos sentrum-venstresidas veljarar. Det synst eg er interessant fordi det lenge no har vore ein debatt om det er riktig med ei universell barnetrygd eller ikkje.

SV meiner auka barnetrygd er den beste måten å redusere barnefattigdomen på.

– Men spør du gjennomsnittsnordmannen om han er for å bruke meir pengar på eit velferdstilbod, same kva, vil han alltid svare ja?

– Nei, ser du på tala her, ser du politiske skilnader. Barnetrygda har vore gjennomdebattert dei siste månadene. Så om det var eit sterkt ønske i folket om å bruke barnetrygda på noko anna, ville ikkje tala vore som dei er.

Kamp mot velferdsprofitør

Undersøkinga syner at 51 prosent meiner det er gale at ein kan ta ut utbyte på velferd, medan 26 prosent meiner det er rett.

– Dette er vårt kanskje mest kontroversielle krav.

Det er berre i veljargruppene til Høgre og Frp at det er fleirtal for utbyte, men Ap vedtok ikkje noko utbyteforbod på landsmøtet, slik LO-kongressen vedtok.

– Tala viser at det er eit overveldande fleirtal, 64 mot 17 prosent, som vil ha utbyteforbod hos Ap-veljarane, seier Lysbakken.

SVs fjerde hovudkrav er nei til opning av nye oljeområde.

– Her har vi nok av tal som viser eit klart nei til oljeboring utanfor Lofoten, Vesterålen og Senja, meiner Lysbakken.

– Men kravet dykkar går jo lengre enn det?

– Eg trur det er brei skepsis mot å bore i Barentshavet òg, meiner SV-leiaren.

Atomvåpenstøtte

På SV-landsmøtet kom det inn eit femte krav: Å stø eit internasjonalt forbod mot atomvåpen. 13 prosent meiner vi skal følgje regjeringas line og stå utanfor forhandlingane. 48 prosent meiner vi skal delta, og 34 prosent meiner vi skal vere pådrivarar.

– Det er låg støtte til regjeringas politikk. Vårt hovudkrav er å melde seg på forhandlingane, seier Lysbakken.

Han meiner tala gjev SV gode kort på handa i forhandlingar etter valet.

– Dei viser at folks støtte til dei fem hovudkrava til SV er oppsiktsvekkjande sterk. Ikkje berre har vi eit fleirtal av folket i ryggen, interessant nok gjeld det same for Ap-veljarane. Seier Ap eller sentrum nei til desse krava, seier dei samstundes nei til sine eigne sympatisørar.

– Men om så mange stør SVs viktigaste saker, kvifor gjer ikkje SV det betre på meiningsmålingane då?

– Vi har ein positiv tendens på målingane. Men desse sakene er jo det vi skal mobilisere på. Dette er skilnaden på eit prosjekt med og utan SV. Tala syner at vi går til val på folkelege og fornuftige krav, som er vel verdt å setje hardt mot hardt på.

– Men eit klart fleirtal av dei som stør sakene, vil røyste på andre parti?

– Det er opp til oss å gjere ein god jobb dei neste månadene for å overtyde folk om å røyste SV. Vi har sjølvtillit på at vi skal føre ein valkamp som gjer at SV veks, sjølv om vi nok ikkje blir like store som støtta til desse krava.

politikk@klassekampen.no

Lørdag 27. mai 2017
– Samlokalisering av nødsentralene ble vedtatt av Stortinget i juni 2015, Hvorfor går det så treigt å få det gjennomført?– Vi synes ikke det går treigt. Men jeg tror det er vanskelig å sette seg inn i hvor komplisert dette er. Vi...
Fredag 26. mai 2017
SVIKT: Robert Mood sier Norge har store svakheter med samfunnssikkerhet og beredskap. Han tror problemene enten skyldes systemsvikt eller «en alvorlig ansvarsfraskrivelse fra toppen».
Onsdag 24. mai 2017
UTRYGT: Ap tar et oppgjør med regjeringens beredskapsarbeid. – Politidirektoratet styrer seg selv, sier Hadia Tajik.
Tirsdag 23. mai 2017
UTSATT: Nav stenger skrankene for å få mer tid til dem med størst behov. Men representantene for Navs mest utsatte brukere er kritiske.
Mandag 22. mai 2017
STREITINGER: Miljøpartiet De Grønne går bort fra standpunkt om hvalfangst og alternativ medisin, og toner ned kontroversielle temaer til fordel for hovedsakene i klimapolitikken.
Lørdag 20. mai 2017
HAR TROA: MDG gjør det så svakt at Rasmus Hansson risikerer å falle ut av Stortinget. Likevel mener han partiet kan nå 15 prosent oppslutning på sikt.
Fredag 19. mai 2017
LITE IDEELT: Færre og færre asylmottak blir drivne av ideelle organisasjonar. No meiner Norsk Folkehjelp at Stortinget må ta grep om ikkje ideell sektor skal bli utradert frå mottakssystemet.
Torsdag 18. mai 2017
MOTSTAND: Ei rekkje nye meiningsmålingar viser stor støtte til SVs kampsaker ved dette valet, meiner Audun Lysbakken.
Tirsdag 16. mai 2017
OVERRASKET: Liv Signe Navarsete er overrasket over at regjeringen avviser at rakettskjoldet er rettet mot Russland, samtidig som Forsvaret bruker Russland som et argument for at Norge skal bli med i Natos skjold.
Mandag 15. mai 2017
JOBB: Ledige ingeniører er villige til å flytte på seg, men får likevel ikke tilbud om jobb. Det viser en ny undersøkelse blant Nitos medlemmer.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk