Onsdag 10. mai 2017
MISNØGD: Ulf Ulriksen er bas på eit byggjeprosjekt i Trondheim medan han pendlar frå Nord- Noreg. Han meiner den nye digitale strategien til Nav stengjer ute brukarane.
Arbeidsminister Anniken Hauglie tek eit kraftfullt oppgjer med praksisen i Nav:
No vil Hauglie rydde opp
Undersak

– Situasjonen er uverdig

– Situasjonen er uverdig. Nav skal vere vår viktigaste sosialpolitiske teneste, og då kan ein ikkje stengje ute brukarane, seier Ulf Ulriksen (61).

Han er bygningsarbeidar, busett i Nord-Noreg, men pendlar til Trondheim. Ulriksen tok nyleg kontakt med Nav for å få svar på nokre enkle pensjonsspørsmål. Der fekk han melding om at sidan han ikkje budde i Trondheim, måtte han reise til heimkommunen for å møte ein rettleiar.

Avtale med det lokale kontoret måtte han gjere gjennom Navs kontaktsenter på telefon. Etter fleire rundar på telefonen, med lange ventetider, fekk han melding om at det heller ikkje i heimkommunen var nokon rettleiar han kunne snakke med. Rettleiar via telefon var einaste alternativ.

– Dette er utruleg lite gjennomtenkt. Eg fryktar at mange vil gje opp å søkje hjelp fordi dei ikkje når gjennom. Om det er sånn staten skal spare pengar, så er vi ille ute, seier Ulriksen, som held politikarane, og ikkje dei tilsette i Nav, ansvarlege.

Anniken Hauglie
OPEN DØR: Arbeidsminister liker «svært dårleg» at ventetida på telefon hos Nav er tredobla og at folk møter stengde dører. Men ho har seg sjølv å takke, svarer Sp-Vedum.

NAV

No går Arbeidsminister Anniken Hauglie (Høgre) hardt ut mot den nye Nav-praksisen.

Klassekampen har dei siste vekene skrive om korleis Nav vil få flest mogleg til å kontakte dei på telefon og nett i staden for å ved å stikke innom sitt lokale Nav-kontor. Dette har skapt store problem for mange.

No vil arbeidsministeren ta grep, sjølv om ho meiner dette er vegen å gå.

– Eg trur at det er bra at fleire av møta hos Nav er planlagde og førebudde for å få gode møte når ein skal snakke med sakshandsamar, men at ein blir vist til telefon og at ein ikkje kjem gjennom på telefon, det liker eg svært dårleg, seier ho til Klassekampen.

Hauglie meiner Nav har teke positive grep for å møte situasjonen, men er usikker på om det er nok.

Fakta

Nye Nav:

• Nav har dei siste åra digitalisert tenestene sine. Frå 3. april har Nav-kontora fått nye føringar som skal få brukarane ut av dei fysiske kontora. Det har blitt vanskelegare eller umogleg å kome innom kontoret utan avtale.

• Målet er å frigjere ressursar som ein kan bruke på dei som treng meir omfattande hjelp.

• Ein studie som dekker 170 Nav-kontor, utført i 2016, syner at personleg oppmøte framleis er den mest populære måten å ta kontakt med Nav på.

Tredobla ventetid

I går skreiv Klassekampen at ventetida på telefon er tredobla.

– Er det då gjort nok?

– Nei, eg liker det svært dårleg. Det er openbert at det er for lang ventetid.

– Har Nav gått for langt i å leggje over til telefon?

– Det er litt for tidleg å seie. Dei har sagt til meg at dei har styrkt kapasiteten med 27 tilsette, mykje kan tyde på at det ikkje er nok.

– Men du vil også at folk skal få hjelp når dei kjem på kontoret?

– Ein må få hjelp når ein kjem på kontoret om ein har akutte problem, men eg trur nok at Nav har rett i at dei fleste brukarmøta blir betre når dei er førebudde og sakshandsamar har hatt høve til å setje seg inn i situasjonen på førehand, seier Hauglie.

– Kan takke seg sjølv

Senterparti-leiar Trygve Slagsvold Vedum meiner Haugli kan takke seg sjølv.

– Dette er resultatet av regjeringas politikk. Digitalisering og sentralisering er jo det Haugli har ønskt seg meir av. Ho får sjå seg i spegelen og skulde på seg sjølv, seier han til Klassekampen.

Han viser til stortingsmeldinga «Nav i en ny tid – for arbeid og aktivitet» som Haugli la fram før jul. I stortingsmeldinga er det eit eige kapittel om «digitalisering og frigjøring av ressurser».

Her skriv departementet om korleis auka digitalisering skal avlaste Nav-kontora, slik at dei kan bruke meir tid på brukarane som treng mest hjelp.

«Å betjene brukere som ringer arbeids- og velferdsforvaltningen har 180 ganger høyere kostnad enn når brukere finner samme informasjon på nav.no», heiter det.

Dermed ligg det «store gevinster i å gi god informasjon på nett, slik at brukerne ikke har behov for å henvende seg til arbeids- og velferdsforvaltningen gjennom andre kanaler», ifølgje departementet.

Vedum meiner regjeringas strategi er ei oppskrift på sentralisering.

– Det regjeringa gjer, er å gjere det vanskelegare for dei som har det vanskelegast. Mange av dei med krevjande saker vil slite med å kome igjennom, og kjem sikkert til å gje opp. Og så, når statistikken viser at sakstalet går ned, vil det bli brukt for å legitimere at ein legg ned lokale Nav-kontor.

politikk@klassekampen.no

Lørdag 27. mai 2017
– Samlokalisering av nødsentralene ble vedtatt av Stortinget i juni 2015, Hvorfor går det så treigt å få det gjennomført?– Vi synes ikke det går treigt. Men jeg tror det er vanskelig å sette seg inn i hvor komplisert dette er. Vi...
Fredag 26. mai 2017
SVIKT: Robert Mood sier Norge har store svakheter med samfunnssikkerhet og beredskap. Han tror problemene enten skyldes systemsvikt eller «en alvorlig ansvarsfraskrivelse fra toppen».
Onsdag 24. mai 2017
UTRYGT: Ap tar et oppgjør med regjeringens beredskapsarbeid. – Politidirektoratet styrer seg selv, sier Hadia Tajik.
Tirsdag 23. mai 2017
UTSATT: Nav stenger skrankene for å få mer tid til dem med størst behov. Men representantene for Navs mest utsatte brukere er kritiske.
Mandag 22. mai 2017
STREITINGER: Miljøpartiet De Grønne går bort fra standpunkt om hvalfangst og alternativ medisin, og toner ned kontroversielle temaer til fordel for hovedsakene i klimapolitikken.
Lørdag 20. mai 2017
HAR TROA: MDG gjør det så svakt at Rasmus Hansson risikerer å falle ut av Stortinget. Likevel mener han partiet kan nå 15 prosent oppslutning på sikt.
Fredag 19. mai 2017
LITE IDEELT: Færre og færre asylmottak blir drivne av ideelle organisasjonar. No meiner Norsk Folkehjelp at Stortinget må ta grep om ikkje ideell sektor skal bli utradert frå mottakssystemet.
Torsdag 18. mai 2017
MOTSTAND: Ei rekkje nye meiningsmålingar viser stor støtte til SVs kampsaker ved dette valet, meiner Audun Lysbakken.
Tirsdag 16. mai 2017
OVERRASKET: Liv Signe Navarsete er overrasket over at regjeringen avviser at rakettskjoldet er rettet mot Russland, samtidig som Forsvaret bruker Russland som et argument for at Norge skal bli med i Natos skjold.
Mandag 15. mai 2017
JOBB: Ledige ingeniører er villige til å flytte på seg, men får likevel ikke tilbud om jobb. Det viser en ny undersøkelse blant Nitos medlemmer.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk