Mandag 8. mai 2017
EIGEN REGI: Raudt-leiar Bjørnar Moxnes og barnehagebyråd Tone Tellevik Dahl (Ap) har gitt barne­hagepolitikken i hovudstaden ny kurs. Her frå ein av dei nyopna kommunale barnehagane.
• Espira-klage over finansierings-nei førte ikkje fram • Fylkesmannen støttar Oslo kommune
Stenger kommersielle ute
Undersak

– Kjempe­viktig sak

Sara Bell er leiar for Fagforbundet i Bergen og blant over tre hundre delegatar til LO-kongressen som startar i dag.

Ho er glad for at Oslo kommune tar grep for å snu trenden med stadig fleire kommersielle aktørar i velferdssektoren.

– At Oslo kommune tar grep for å stansa utviklinga, er kjempeviktig, seier Bell.

– Kan vedtaket få konsekvensar andre stadar?

– Det håpar eg verkeleg, seier ho.

– Vil dette bli ein stor debatt på LO-kongressen?

– Det er ein kjempeviktig sak. Fagforbundet skal følga opp. Det er me, saman med FO og NTL, som kjenner offentleg sektor best, me skal få dei andre med oss, seier Bell.

Men ho synst ikkje innstillinga frå LO-sekretariatet er god nok på området som gjeld velferd, konkurranseutsetting og privatisering.

– Fagforbundet er veldig klar. Me vil ikkje ha profitt i velferda, overhovud, seier ho.

VEDTAK: Det går mot full stopp for kommersiell barnehageutbygging i Oslo, etter at Fylkesmannen har gitt det rødgrønne byrådet støtte i sin barnehagepolitikk.

VELFERD

Espira møter no stengde dører i hovudstaden. Det skjer etter at Oslo kommune har fått medhald frå Fylkesmannen i Oslo og Akershus i eit vedtak der kommunen sa nei til å gi tilskott til to nye Espira-barnehagar.

Espira er ein gigant i Barnehage-Noreg, med barnehagar i 40 kommunar og ei omsetning på 1,4 milliardar kroner i 2014.

Vedtaket frå Fylkesmannen inneber at kommunen kan avslå å finansiera nye kommersielle barnehagar så lenge retten til barnehageplass er oppfylt.

– Eg er glad for at Fylkesmannen stadfestar at me kan utøva eit betydeleg skjønn, me står fritt til å seie nei til private aktørar all den tid me sjølv dekker dei lovpålagde pliktene me har, seier barnehagebyråd Tone Tellevik Dahl (Ap).

Fakta

Barnehage i Oslo:

• Espira Barnehager søkte om offentleg finansiering av to nye private barnehagar i to bydelar i Oslo.

• Oslo kommune avslo søknaden. Espira klaga til Fylkesmannen i Oslo og Akershus.

• Før helga kasta Fylkesmannen klaga. Vedtaket inneber at så lenge kommunen oppfyller retten til barnehageplass, kan dei seie nei til finansiering av nye kommersielle.

• At kommunen og ideelle skal stå for nye barnehagar i Oslo, var eit krav frå Raudt for å inngå avtale med byrådspartia.

Gedigen siger

Det viktigaste kravet for at Raudt skulle støtta det nye byrådet i Oslo i 2015 var knytt til barnehagepolitikken. Då avtalen mellom Raudt og byrådspartia var i boks, stod det svart på kvitt at kommunen og ideelle verksemder skal stå for drift av nye barnehagar.

Raudt-leiar Bjørnar Moxnes er glad for å sjå at det er blitt gjennomslag for kursendringa Raudt kravde.

– Å stansa velferdsprofitørane er ein gedigen politisk snuoperasjon. I 15 år har desse barnehagekonserna hatt fritt spelerom. Dei har fått alt dei har peikt på.

– Bør dette få konsekvensar på landsbasis?

– Ja. Ingen må tru at Raudt vil vera ein garantist i fire år for ei Støre-regjering, viss ikkje ei Støre-regjering også set ned foten for velferdsprofitørane. Det me har vist i Oslo, er at Raudt set makt bak krava våre. Me har no slått hol på myten som har prega norsk politisk debatt i 15 år, nemleg at me er avhengig av kommersielle for å bygga ut velferdstilboda.

Tone Tellevik Dahl legg til at også Ap gjekk til val på nye kommunale barnehagar.

– Målet er at alle pengane skal gå til barnehagabarna. Den politikken gjekk alle fire partia til val på, seier ho.

Ein trist dag

Vedtaket frå Fylkesmannen fell ikkje i god jord hos Høgre.

– Utruleg trist, seier Saida Begum, som sit i utdanningskomiteen i Oslo for Høgre.

– Alle tapar på den avgjersla. Det råkar foreldre, barn, bustadutviklar og bustadkjøparar, seier ho.

Ho meiner byrådet no ikkje klarer å innfri lovnaden om 3000 nye barnehageplassar innan 2020.

Dei private barnehagane var del av ei større bustadutbygging i hovudstaden, og skulle stå ferdige i 2018. Begum er kritisk til at kommunen fyrst la inn eit krav om barnehageplassar i utbyggingsplanen, for så å avslå søknad om tilskott.

– Me meiner det er grunn til å sjå nærare på regelverket.

Espira seier at saka no står mellom utbyggar og Oslo kommune, og at dei ikkje lengre er part.

– Me tar til orientering at me ikkje har fått tilskott fordi det ikkje er behov, og at desse opplysningane kom fram fire månader etter kommunens avslag, men synst det er rart fordi det blei stilt krav til barnehageplassar i utbyggingsplanen, seier Jens Schei Hansen, kommunikasjonssjef i Espira.

– Me er overraska over at det er ei så politisk handtering av kommunen i ei forvaltningssak. Så registrerer me vidare at kommunen ikkje har fått gjennomslag for si opphavlege grunngjeving, nemleg at dei ikkje var forplikta til å finansiera private barnehagar. Det dei har fått medhald i, er at det ikkje er behov for desse barnehagane, seier han.

1600 kommunale plassar

Barnehagebyråden er i gang med ei storstilt utbygging av kommunale barnehageplassar.

– Me vil klara målet om 3000 nye barnehageplassar innan utgangen av 2019. Eg har bestilt 1600 nye kommunale barnehageplassar, men på grunn av tidspresset har me også gitt tilsagn til nokre private.

– Viss Høgre skyv barna føre seg og seier at det er ein trist dag, så er det berre tull. Me bygger mykje meir enn dei har planar om, seier Moxnes.

– Eg må minna om at dei berre bygde 1100 nye i løpet av fire år. Me bygger 3000, seier Dahl.

anneh@klassekampen.no

Artikkelen er oppdatert med endring i ingressen frå privat til kommersiell barnehageutbygging.

Artikkelen er oppdatert: 8. mai 2017 kl. 12.07
Fredag 22. september 2017
MISNØYE: Aldri før har så mange Nav-brukere vært misfornøyd med oppfølgingen fra Nav. Så langt i år har det kommet nær 10.000 klager på servicen, dobbelt så mange som i hele 2015.
Torsdag 21. september 2017
DOBLER: Forsvaret innrømmer at de aldri skulle kjøpt de omstridte traktorene. Likevel utløser de nå en opsjon og kjøper dobbelt så mange traktorer – stikk i strid med faglige anbefalinger.
Onsdag 20. september 2017
INTRIGAR: Fylkesordførar og Giske-venn Tore O. Sandvik meiner skuffa Ap-rådgivarar er anonyme intrigemakarar. – Nokon må tøyla rådgivarane, seier han.
Tirsdag 19. september 2017
STILLE I FJØSET: Tidlegare Ap-topp Helga Pedersen meiner partiet må innsjå at dei ikkje nådde gjennom med distrikts­politikken.
Mandag 18. september 2017
NÅR UT: Regjeringen har nådd millioner av potensielle asylsøkere med skremme­budskap via Facebook, hørespill og tegneserier. Å framstille nordmenn som rasister er ett av virkemidlene som brukes.
Lørdag 16. september 2017
PÅ STEINGRUNN: KrF må stå ved det partiet lova før valet, meiner fleire av partiets talent. No byrjar kampen om framtidas KrF.
Fredag 15. september 2017
CV: Høgare utdanning og erfaring frå offentleg sektor og organisasjonslivet kjenneteiknar det store fleirtalet av Aps stortingsrepresentantar. Politikarar frå privat sektor er ein minoritet.
Torsdag 14. september 2017
ENIGE: KrFs vippeposisjon kan bety et politisk skifte i velferds­politikken. Nå er de klare for å gå sammen med Rødt om å stanse veksten i kommersielle velferds­selskaper.
Onsdag 13. september 2017
BYGDEOPPRØR: Ap taper stort i distriktene. En rekke fylkesledere mener partiet har inngått for mange forlik med de borgerlige.
Tirsdag 12. september 2017
UENIGHET: Det blir oppvask i Arbeiderpartiet etter det dårligste valget på 16 år. Flere kilder forteller om sand i partiets valgkampmaskineri.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk