- Trass i massiv motstand og sterk lokal mobilisering gjekk helseminister Bent Høie måndag inn for å legge ned akuttkirurgien ved Odda sjukehus i Hordaland. Dermed legg han opp til å svekke tilbodet ved nok eit lokalsjukehus. Rett nok vernar Høie akuttkirurgien ved sjukehusa i Flekkefjord, Lofoten og Volda, og tilbodet i Namsos skal også vidareførast. Derimot meiner statsråden at Narvik og Odda har så små sjukehus at dei ikkje skal ha døgnkontinuerleg kirurgi. Desse sjukehusa blir no svekte, slik også Lærdal og Nordfjordeid har opplevd dei seinare åra. Når nedbygginga i Odda er gjennomført, lovar Høie at strukturen skal ligge fast, og at det ikkje skal bli enda færre og større sjukehus i Norge.
Sjukehus
Leder