Lørdag 18. mars 2017
Kravstor: SV-leiar Audun Lysbakken hausta applaus for sin leiartale til landsmøtet på Gardermoen. Partiet kan sende med han eit femte krav til haustens moglege forhandlingar.
SV kan utvide lista over deira hovudkrav for eit fleirtalssamarbeid etter valet:
SVs atomåtak mot Ap
Undersak

Oppgjer med Forskjells-Noreg

SV-leiar Audun Lysbakken gjorde økonomisk ulikskap til hovudsak i sin leiartale til partilandsmøtet i går.

– Dette valet skal bli eit oppgjer med den aukande ulikskapen, vi skal byte ut forskjellsregjeringa med eit fleirtal for forandring, sa Lysbakken.

Klassekampen skreiv tidlegare i veka om SVs plan for å redusere forskjellane i Noreg, og denne fekk god plass i talen. Meir progressiv skatt, auka barnetrygd, hardare styring med bustadmarknaden, ei ny arbeidsmiljølov og stans i statleg nedsal var oppskrifta til Lysbakken.

I miljøpolitikken markerte han tydeleg avstand til Arbeidarpartiet:

– Det finst ikkje noko kompromiss i denne saka. Vi har gjeve eit løfte til folket, fiskarane og naturen i Lofoten, Vesterålen og Senja. Vi har tenkt å vinne ein gong til, sa han.

SPRENGKRAFT: Ei rekkje delegatar arbeider no for at SV skal utvide si liste over hovudkrav med eitt punkt: kamp for atomvåpenforbod. SV-leiinga avviser ikkje kravet.

landsmøte

SVs landsstyre har innstilt på at partiet skal stille fire krav til eit eventuelt fleirtalssamarbeid etter haustens val. No kan landsmøtet gjere lista endå lengre.

Vestfold SV vil at partiet skal krevje at ei ny regjering «skriver under på forbudet mot atomvåpen». Lokallaget Frogner SV og fleire enkeltmedlemer har også fremja tilsvarande framlegg om at SV må krevje at ei ny regjering går inn for eit internasjonalt forbod mot atomvåpen.

Snorre Valen er nestleiar og leiar av programkomiteen i SV. Han utelukkar ikkje ei femte hovudprioritering.

– Alt er mogleg til landsmøtesalen har røysta. Eg kjenner at det er veldig oppslutning om atomvåpenkravet ein del plassar. Men eg vil samstundes åtvare mot å la lista ese ut.

– Er dette det kravet det er mest trykk bak?

– Eg oppfattar atomvåpen som det det er mest trykk bak, ja. Men det er før vi har debattert det i salen. Men det er mitt inntrykk, slår Valen fast.

– Kvifor er det viktig at lista ikkje eser ut?

– For det fyrste er det viktig at vi kan prioritere hardt. Det gjev oss større gjennomslag. For det andre vil ei altfor stor liste gje inntrykk av at vi ikkje er interessert i å få makt, altså at vi har laga ei liste det er lett for motstandaren å seie nei til, fordi vi har laga den for å sleppe å ta ansvar.

Fakta

SVs landsmøte:

• SVs landsstyre har innstilt på at partiet går for fire hovudkrav i eventuelle fleirtalsforhandlingar til hausten: Stikkord er nei til oljeboring utanfor Lofoten, Vesterålen og Senja, auka barnetrygd, lærarnorm i skulen og profittfri velferd.

• I dag skal partiet diskutere fråsegner og velje ny leiing.

• Kirsti Bergstø, stortings­representant frå Finnmark, er innstilt som ny nestleiar. Valnemnda har delt seg mellom Andreas Halse og Audun Herning i synet på kven som bør bli ny partisekretær.

Støtte frå sjefen

SV-leiar Audun Lysbakken er heller ikkje i kampmodus mot framlegget. Han åtvarar også mot å auke lista for mykje.

– Vi går til landsmøtet med landsstyrets framlegg, det er vårt utgangspunkt. Så er det landsmøtet som avgjer, seier Lysbakken.

Han understrekar at det politiske innhaldet i kravet i ukontroversielt i SV:

– Sjølve kravet er det absolutt inga usemje om i SV, og mi klare forventing er at eit nytt fleirtal vil gjere dette. Også andre raudgrøne parti har gjeve uttrykk for at dei vil ha ein slik politikk.

Vestfold kan vinne

Ein av dei som ivrar for atomvåpenforbod-kravet, er fylkesleiar Olav S. Vika i Vestfold SV.

– I ei verd der Trump sit med fingeren på den raude knappen, er det å få forbode atomvåpen, som vi har gjort med alle andre masseøydeleggingsvåpen, eit viktig mål framover. Det er ingen tvil om at SV meiner det, men eg trur at dette er ei av dei sakene det er viktig for SV å løfte heilt opp og presse Ap på.

SV-leiinga har lagt prestisje i å ikkje få vedteke fleire enn fire krav, men Vika er ikkje villig til å kutte eit anna for å gje plass.

– Atomvåpenkravet er eit kort og fyndig krav som er såpass konkret at eg trur det er mogleg å cashe ut, seier han.

Henriette Westhrin er tidlegare SV-nestleiar og statssekretær. No er ho generalsekretær i Norsk Folkehjelp, som ivrar for atomvåpenforbod.

– Norsk Folkehjelp er glade for at SV vil reise saka. Vi vil at ei ny regjering skal ha ei ny utanrikspolitisk line, og då trengst det nok nokon som er villig til å reise denne saka i valkampen, seier ho.

politikk@klassekampen.no

Fredag 21. juli 2017
FORNØYD: I en valgkampreklame på radio hevder Høyre at det har blitt ­lavere ledighet og høyere vekst de fire siste årene. Det stemmer ikke.
Torsdag 20. juli 2017
OPP: Omfanget av arbeidskraftinnleie øker. I Oslo-området er rundt hver sjette bygningsarbeider innleid. Fellesforbundet mener det trengs strengere regulering.
Onsdag 19. juli 2017
HARD NØTT: Jonas Gahr Støre innrømmer at det er svært vanskelig å hindre større forskjeller, men mener en styrket fagbevegelse er et godt sted å starte.
Tirsdag 18. juli 2017
ALEINE: Medan EU og OECD publiserer fattigdomstal, har Statistisk sentralbyrå gått over til omgrepet låginntekt. Det meiner omgrepet «fattig» blir for sterkt i norsk samanheng.
Mandag 17. juli 2017
Fattigdom: Barnefattigdommen i Norge har økt kraftig. Organisasjoner for vanskeligstilte i Norge krever strakstiltak.
Lørdag 15. juli 2017
FORSKJELL: Norsk arbeidsliv blir tryggare, tydar tal frå Arbeidstilsynet. Men det gjeld ikkje utanlandske arbeids­takarar. – Uakseptabelt, seier LO-topp.
Fredag 14. juli 2017
INNSATS: Arbeidsmiljøloven settes til side for å gjennomføre et skippertak på vedlikehold. Tillitsvalgt mener Forsvaret kaller vanlig arbeid for «øvelse» for å unngå normale arbeidstidsregler.
Torsdag 13. juli 2017
DYRT: Venner og fagfolk samlet inn penger så Ronny Bjørnestad kunne kjøpe en kur mot hepatitt C i utlandet. Det kostet 7500 kroner. I Norge koster samme medisin over en halv million.
Onsdag 12. juli 2017
MAKTA RÅR: Høy ulikhet avler motstand mot velferdsordninger, minoriteter og omfordeling i delene av befolkningen med mest makt, viser ny forskning. Det vinner høyrekrefter på.
Tirsdag 11. juli 2017
STRYK: Heimevernet mangler utstyr, trener for lite, og får ikke rekruttert befal med rett kompetanse. I en gradert årsrapport for 2016 gir forsvarssjefen Heimevernet strykkarakter.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk