Tirsdag 14. mars 2017
OPTIMIST: Stein Lier-Hansen i Norsk Industri har store forhåpningar til Stortinget si kommande industrimelding. – Meldinga må vere dedikert for skapa politikk i industrien, seier han.
Vil ha CO2-kompensasjon, eksportgaranti og omfattande bransjeprogram for industrien:
Krev løft for industrien
Undersak

Forsiktig

pessimist

Næringsdepartementet har sidan i fjor reist land og strand rundt for å få innspel, samt vore på studietur til Tyskland og Storbritannia.

Etter planen skulle industrimeldinga vera klar ved inngangen av året, men den er blitt forseinka.

Etter kva Klassekampen erfarer, vil regjeringa legga fram industrimeldinga fredag 24. mars.

Det er etter ønske frå fleirtalet på Stortinget at regjeringa sette i gang arbeidet med ei industrimelding.

Leiar for Næringskomiteen på Stortinget Geir Pollestad (Sp) har i dag svært små forventningar.

– No har me hatt ei skogmelding. Der var det ei veldig god skildring av røynda, men ho var blotta for tiltak. Det trur eg vil gjelda industrimeldinga også, seier han.

Han understreker at det ikkje er rom for forseinkingar. Skal Stortinget handsama meldinga før sommaren, må ho komma no.

– Etter påske blir for seint, seier Pollestad.

«Regjeringen er i sluttfasen i arbeidet med industrimeldingen. Den vil bli lagt frem for Stortinget i nær fremtid og tidsnok til at Stortinget kan behandle meldingen i vårsesjonen 2017», opplyser Næringsdepartementet.

SPENT: Staten må ikkje vera næringsnøytral, seier bransjeorganisasjonen Norsk Industri. – Ein kino, ei pølsebu og industrien må ikkje bli behandla likt, seier Stein Lier- Hansen.

INDUSTRI

For fyrste gang på 37 år skal Stortinget behandla ei industrimelding.

Forventningane er svært store i bransjeorganisasjonen Norsk Industri, som har komme med ei lang liste med konkrete innspel. Administrerande direktør Stein Lier-Hansen i Norsk Industri understrekar at stortingsmelding må vera spekka av verkemiddel for framtidas industri.

– Vi har store forhåpningar til denne meldinga. Det må vera ei industrimelding og ikkje ei melding som byggjer på næringsnøytralitet, men dedikert for å skapa politikk for industrien, seier Lier-Hansen.

Fakta

Industrimelding:

• Nærings- og fiskeridepartementet skal etter planen legga fram ei stortingsmelding om industriens rammevilkår i vår.

• Næringsdepartementet har reist land og strand for å få innspel til meldinga frå bedrifter, forskingsmiljø, organisasjonar og andre partar. Det siste møtet blei halde i oljehovudstaden Stavanger i september.

• Næringsdepartementet har også hatt ein delegasjon med seg på studietur til Tyskland og Storbritannia.

• Meldinga var varsla i starten av 2017, men kjem truleg før påske.

Politisk taktskifte

Det har vore gjengs tone i næringspolitikken i lang tid at staten ikkje skal satsa på spesielle næringar. Den linja håpar Norsk Industri er død og gravlagd i Industrimeldinga.

Lier-Hansen peiker på fleire heilt sentrale område som regjeringa må innfri for å få bestått av Industri-Norge.

Stortingsmeldinga må prioritera prosessindustrien gjennom fleire verkemiddel. Det aller viktigaste er at meldinga slår heilt fast at CO2-kompensasjonsordninga blir vidareført utover 2020.

Endå meir av statens forskingsmiddel må prioriterast inn mot brukarstyrt forsking innanfor industrisegmentet.

• Den nye ordninga Katapult Norge må forsterkast og fyllast med nok pengar.

Norsk Industri ønsker seg ei garantiordning for eksport, som innanfor internasjonalt regelverk kan gi industrien betre lånevilkår med staten som garantist.

Lier-Hansen opplever at det har skjedd eit taktskifte i det politiske landskapet. Der industri var meir perifert tidlegare, freistar partia no å overgå kvarandre i å fri til industrien.

– Det er konkurranse mellom partia om kven som er best på industripolitikk. Det er noko nytt. Ap utfordra Høgre. Så svarte Høgre og ville vera minst like gode – og utfordra Ap tilbake. Det er veldig bra, seier han.

På Høgre sitt landsmøtet i helga blei det blant anna klart at Høgre går inn for å vidareføra den viktige kompensasjonsordninga for CO2-kostnadar, som går ut i 2020.

– Ut frå det som er sagt på Høgres landsmøte, er det positive signal. Men det må slåast fast i meldinga, seier han.

Eit område regjeringa alt har komme industrien i møte, er i statsbudsjettet for 2017 der den såkalla katapultordninga som skal gjera det lettare for industrien å kommersialisera ny teknologi. Regjeringa la 50 millionar på bordet.

– 50 millionar er berre ein liten forsiktig start. Dette verkemiddelet må få veksa. Me trur at det kjem ti–elleve gode søknadar frå ulike industrimiljø no til Katapult Norge, seier han.

Konkrete bransjeprogram

Lier-Hansen ønskjer seg ikkje ein politikk som spissar norsk industri på nokre få bransjar.

– Eg er eigentleg økolog, og der gjeld det at ein må ha fleire bein å stå på. Det same gjeld industrien. Når det er lågkonjunktur i to bransjar, kan det vera høgkonjunktur i tre andre. Du kan ikkje berre satsa på nokre få.

– Du understreka at de ikkje vil ha ei næringsnøytral melding, men samstundes ønskjer de ikkje spissing på nokre få bransjar. Er det ikkje ei motsetting her?

– Nei, vi kan ikkje berre la dei tusen blomane bløma. Vi veit kvar vi har komparative fortrinn, og dei må dyrkast. Norsk treforedlingsindustri kan veksa kraftig, men då må han ha like gode vilkår som svenskane og finnane. Det er det motsette av næringsnøytralitet. Næringsnøytralitet er at all næring behandlast dønn likt. Då skal ein kino, ei pølsebu og industri behandlast likt. Den aktive politikken må tilpassast kvar næring og bransje.

Tradisjonelt har mykje av norsk industri vore fokusert kring dei oljerelaterte næringane.

Satsar på ferdigvarer

Framover ser Norsk Industri for seg at Noreg kan hevda seg meir i produksjon av ferdigvarer for privatpersonar.

Den langvarige internasjonale trenden har vore at slik produksjon har vorte flytta ut til lågkostland.

– Dette er det vi kallar designindustrien. Vi forventar at meldinga kjem med politikk for å forenkla eksporten av ferdigvarer. Vi ser at Sverige har innført eksportforsterkingsordningar for denne industrien, og det har løfta industrien i Sverige, seier Lier-Hansen.

– Men kan norsk ferdigvareindustri konkurrera med Kina?

– Ja. Vi har tekoindustri (tekstil, konfeksjons- og skoindustri, journ. anm.) som sel raggsokkar til det kinesiske forsvaret, og Ekornes får omtrent ikkje produsert nok for den amerikanske marknaden. Så vi får det til. Men då må vi ha rammevilkår som gjer at vi raskare kan robotisera og automatisera. Det vonar vi kjem i meldinga.

okonomi@klassekampen.no

Lørdag 27. mai 2017
– Samlokalisering av nødsentralene ble vedtatt av Stortinget i juni 2015, Hvorfor går det så treigt å få det gjennomført?– Vi synes ikke det går treigt. Men jeg tror det er vanskelig å sette seg inn i hvor komplisert dette er. Vi...
Fredag 26. mai 2017
SVIKT: Robert Mood sier Norge har store svakheter med samfunnssikkerhet og beredskap. Han tror problemene enten skyldes systemsvikt eller «en alvorlig ansvarsfraskrivelse fra toppen».
Onsdag 24. mai 2017
UTRYGT: Ap tar et oppgjør med regjeringens beredskapsarbeid. – Politidirektoratet styrer seg selv, sier Hadia Tajik.
Tirsdag 23. mai 2017
UTSATT: Nav stenger skrankene for å få mer tid til dem med størst behov. Men representantene for Navs mest utsatte brukere er kritiske.
Mandag 22. mai 2017
STREITINGER: Miljøpartiet De Grønne går bort fra standpunkt om hvalfangst og alternativ medisin, og toner ned kontroversielle temaer til fordel for hovedsakene i klimapolitikken.
Lørdag 20. mai 2017
HAR TROA: MDG gjør det så svakt at Rasmus Hansson risikerer å falle ut av Stortinget. Likevel mener han partiet kan nå 15 prosent oppslutning på sikt.
Fredag 19. mai 2017
LITE IDEELT: Færre og færre asylmottak blir drivne av ideelle organisasjonar. No meiner Norsk Folkehjelp at Stortinget må ta grep om ikkje ideell sektor skal bli utradert frå mottakssystemet.
Torsdag 18. mai 2017
MOTSTAND: Ei rekkje nye meiningsmålingar viser stor støtte til SVs kampsaker ved dette valet, meiner Audun Lysbakken.
Tirsdag 16. mai 2017
OVERRASKET: Liv Signe Navarsete er overrasket over at regjeringen avviser at rakettskjoldet er rettet mot Russland, samtidig som Forsvaret bruker Russland som et argument for at Norge skal bli med i Natos skjold.
Mandag 15. mai 2017
JOBB: Ledige ingeniører er villige til å flytte på seg, men får likevel ikke tilbud om jobb. Det viser en ny undersøkelse blant Nitos medlemmer.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk