Mandag 13. mars 2017
Verdikonservativ: Høgre har ikkje bevegd seg bort frå KrF på dette landsmøtet, men haldt på den verdikonservative lina. foto: tom Henning bratlie
Kristeleg folkeparti var tema då Høgres redaksjonskomité diskuterte eggdonasjon:
KrF-prat på bakrommet
EGGLØYSING: KrF fekk eit meir verdikonservativt Høgre i helga. KrF-topp meiner Høgre gjer seg klar for blågrøn regjering.

høgre-landsmøtet

Helgas Høgre-landsmøte var prega av eit parti som ikkje har glemt sine verdikonservative røter. Trass i vedtak som å tillate ”pils i park” gjorde regjeringpartiet vedtak som KrF kan nikke til.

Kjell Ingolf Ropstad er stortingsrepresentant og innstilt som ny nestleiar i Kristeleg Folkeparti. Han liker det han har høyrt i helga:

– Det ser ut som om Høgre førebur seg på ei sentrum-høgre-regjering, seier Ropstad til Klassekampen.

Han legg særleg vekt på eggdonasjon, barnetrygd, kontantstøtte, fedrekvote og sjølvstendig oppteningsrett for far.

Ropstad meiner Høgre med dette landsmøtet tek eit steg bort frå Framstegspartiet og mot sentrum. Ap ligg an til å seie ja til eggdonasjon, medan Høgre no gav melding om at dei ikkje ville vedta dette.

– Gjer det at det blir lettare for KrF å velje side?

– Eg skal ikkje forskuttere noko, men vi frykta jo at Høgre skulle ta eit steg i retning i Ap desse spørsmåla. Det har dei no ikkje gjort. Det er veldig bra, og det er viktig for KrF.

Fakta

Høgre-landsmøtet:

• 361 delegatar har i helga vore samla på Høgre-landsmøtet på Gardermoen.

• Hovudsaka har vore vedtak av nytt stortingsprogram.

• I tillegg har partiet vedteke resolusjonar og gjennomført val.

• Frank Jenssen leidde komiteen som arbeidde med partiprogrammet under landsmøtet, medan Tina Bru leidde komiteen for resolusjonar.

• Høgre vil i år gå til val på slagordet ”Vi tror på Norge”.

Løyste opp i eggerøra

Og KrF har grunn til å vere nøgde med gjennomslaget hos sitt samarbeidsparti. På førehand hadde KrF lagt eit stort press på Høgre for å ikkje gå i for verdiliberal retning. Til Klassekampen sa KrF-nestleiar Olaug Bollestad sist veke at partiet ville følgje nøye med på kva vedtak som blei gjort i helga.

Klassekampen får stadfesta at KrF også var tema i sjølve komiteen som handsama stortingsprogrammet under landsmøtet i helga: I saka om eggdonasjon var omsynet til samarbeidspartiet ein av grunnane til at Høgre ikkje går til val på å tillate eggdonasjon – sjølv om partiet nok drar i retning av å gå inn for dette i ei ikkje veldig fjern framtid.

– Blei mindre liberalt

Sveinung Stensland sit på Stortinget frå Rogaland, eit tradisjonelt sentrumsorientert fylkeslag i Høgre.

– Høgre er eit litt mindre liberalt parti no enn kva vi var på torsdag. Grunnen er at Rogaland Høgre har dryssa litt verdikonservatisme over programmet.

Også han meiner at KrF har god grunn til å vere nøgde med Høgre-landsmøtet.

– Men dei må ikkje innbille seg at vi har gjort det på grunn av dei. Vi har gjort det på grunn av oss sjølve, seier Stensland.

Har halde på lina

Høgre-nestleiar og helseminister Bent Høie er frå same fylkeslag som Stensland, og er kjend som ein av dei meir verdikonservative i Høgre. Han meiner KrF har fått eit Høgre som er til å kjenne att.

– KrF har grunn til å vere nøgde?

– Ja, det er ingenting som har skjedd denne helga som gjev grunn for KrF til å ta sin diskusjon på ny. Avstanden mellom Høgre og KrF har ikkje blitt større etter denne helga, seier Høie.

Han understrekar at standpunkta ikkje er fatta av omsyn til KrF, men rett og slett fordi det er der partiet står.

– På mange avgjerande viktige spørsmål er det tydeleg at Høgre har halde på den verdikonservative linja. Det gjeld familiepolitikken og alkoholpolitikken, til dømes.

Høgre-landsmøtet vedtok framleis kontantstøtte og fedrekvote og var mot å erstatte barnetrygda med gratis barnehage.

– Dette er viktige spørsmål knytt til valfridomen i familiane. Det var ein del debatt i framkant av landsmøtet, og dessutan spaning knytt til kva retning partiet skulle ta, seier Høie.

– Er det eit frieri til KrF?

– Nei, Høgre vedtek sin politikk og sine meiningar med utgangspunkt i det vi vil gå til val på. Så er det ingen tvil om at vi og KrF er samde i mange av desse sakene. Det er jo ein politisk fellesskap mellom Høgre, Venstre, Framstegspartiet og Kristeleg Folkeparti, og det er ikkje utan grunn at alle dei tre andre partia er veldig ivrige med å samarbeide med Høgre. Det er fordi dei finn mykje av si tenking att hos Høgre.

– I saka om eggdonasjon har det vore mykje snakk om KrF?

– Ja, akkurat i eggdonasjonsaka er det sikkert nokre som har vektlagt det i korridorane. Men bakgrunnen for at vi utset det er at Høgre treng tid til å diskutere det.

politikk@klassekampen.no

Mandag 20. november 2017
OMKAMP: Regjeringspartia, KrF og Venstre oppretta gigantfylket Viken på Aust­landet. No vurderer KrF å snu om ­millionregionen rundt Oslo.
Lørdag 18. november 2017
UKVALIFISERT: Bent Arne Aasli har jobbet med vann og avløp siden han var 16 år. Nå mener regjeringen han ikke er kvalifisert til å gjøre jobben sin fordi han ikke har nok studiepoeng.
Fredag 17. november 2017
HASTER: Landet rundt må det nå kuttes ved syke­husene. Årsaken er krav om stadig effektivisering. Strikken strekkes for langt, mener Legeforeningen.
Torsdag 16. november 2017
REGNSKAP: Det er forskjeller i hvor mye ulike innvandrergrupper står for av skatteinntekter. Mens iranere i snitt betaler 94.300 kroner, står polakker for 70.800 skattekroner per hode.
Onsdag 15. november 2017
SJAU: Fjellstrand verft vil ikkje nytte permitterte arbeidarar til nye oppdrag. LO fryktar at verksemda vil kvitte seg med alle fast tilsette.
Tirsdag 14. november 2017
URO: I en fersk rapport varsler Nav om økende kløfter mellom fattig og rik. Fra 2011 til 2015 gikk andelen fattige opp fra 7,7 til 9,3 prosent.
Mandag 13. november 2017
GÅR AV: Allerede i mars var Finans­departementet bekymret for omorganiseringen i SSB. Men Christine Meyer mener hun hadde mandat til å avskilte forskere. Nå fratrer hun stillingen.
Lørdag 11. november 2017
AU: Aldri før har KrF vore målt så lågt på Klassekampens barometer. Hareide håpar ny politikk skal ta KrF ut av skugganes dal.
Fredag 10. november 2017
VIL SNU: Sp-nestleder Anne Beathe Tvinnereim vil trosse asylforliket, myke opp asylpolitikken og finne en «praktisk løsning» for å hjelpe oktoberbarna.
Torsdag 9. november 2017
FISJONSKRAFT: To av tre finnmarkingar seier nei til tvangssamanslåinga med Troms fylke, men reforma stoppar ikkje. – Sp må få kink i nakken av å sjå seg så mykje bakover, seier Sanner.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk