Torsdag 9. mars 2017
KRAV: Jon Reidar Øyan er leiar for homonettverket i Ap og vil stille ei rekkje krav til KrF for at det skal vere aktuelt med eit regjeringssamarbeid.
Meiner regjering med KrF er uaktuelt om dei ikkje endrar homopolitikken:
Åtvarar mot KrF-flørt
Undersak

Høgre: nøgde med Frp og KrF

Helge Ytterøy L’orange er leiar i Opne Høgre. Han er stort sett nøgd med både KrF og Frp.

– Sjølv om KrF ikkje har vore veldig progressive, har dei heller ikkje reversert veldig mykje, seier L’orange om samarbeidet med KrF.

Han meiner regjeringa har fått til mykje bra desse åra.

– Regjeringa har fått innført retten til å skifte kjønn, som er viktig for dei det gjeld, seier han.

Sist veke gjekk innvandringsminister Sylvi Listhaug (Frp) til åtak mot KrF-leiar Knut Arild Hareide for at han hadde gått i pride-paraden i Oslo i fjor.

– Kva tenkjer du om samarbeidet med Frp, då?

– Solveig Horne har gått i Pride-toget, minner L’orange om.

– Det er nok ein del skiljeliner i Frp. Dei eg samarbeider med opplever eg som ryddige og konstruktive. Solveig Horne har blitt ein homominister. Ho jobbar no med felles diskrimineringslov som vil betre diskrimineringsvernet på fleire område.

– Men det er vel ikkje alt du er like nøgd med?

– Sånn vil det alltid vere med samarbeidspartnarar. Eg er sikker på at det ikkje var alt Aps homonettverk var nøgd med frå Sp då dei sat i regjering saman. Når vi snakkar godt saman, kan vi flytte staur.

NEI TAKK: Homonettverket i Ap meiner KrF er uaktuell som regjeringspartnar dersom dei ikkje legg vekk homopolitikken sin.

HOMOKAMP

Frå Ap-hald har flørtinga med KrF vore nærast unison det siste året. Til no.

Jon Reidar Øyan, leiar i Aps homonettverk, går no ut og åtvarar mot at eit regjeringssamarbeid kan setje homokampen tilbake.

– Det er heilt uaktuelt å gå i regjering med KrF dersom dei ikkje er erkjenner at dagens rettar står fast, seier Øyan.

Denne veka vedtok Homonettverket samrøystes på sitt årsmøte ein resolusjon som stiller tre krav. Om ikkje desse blir innfridd, meiner dei KrF er «fullstendig uaktuelle» som deltakarar i ei regjering med Ap. Krava er:

«Felles ekteskapslov, adopsjonsprøvingsrett og assistert befruktning ligger fast og skal ikke reverseres.»

«Menneskers rett til å bestemme over egen kropp skal på ingen måte innskrenkes.»

«LHBT+-personers rettigheter skal ikke svekkes, men videre styrkes.»

Fakta

KrFs vegval:

• På landsmøtet skal KrF formelt avklare kor dei skal gå. Etter ei samrøystes innstilling frå landsstyret er det likevel lite spaning knytt til sjølve vedtaket.

• Dei slo fast at: «KrF vil arbeide for en regjering i 2017 som består av flest mulig av sentrumspartiene og partiet Høyre. Med respekt for de politiske forskjellene er et regjeringssamarbeid med Frp ikke aktuelt. Dersom et regjeringssamarbeid sentrum/Høyre ikke er mulig etter valget, må KrF søke andre gjennomslag for vår politikk og mest sannsynlig velge opposisjon.»

Har lært av historia

Øyan meiner det kan vere aktuelt å samarbeide med KrF i Stortinget, men at ei regjering ikkje kan kompromisse på desse punkta.

– Men det sit langt inne. KrF har påført LHBT-personar mykje smerte og gjort kvardagen til mange av oss meir komplisert enn han hadde måtta vere, seier Øyan.

Homonettverket meiner historikken til KrF gjer dei krevjande å samarbeide med.

– Det er ikkje eit vakkert syn. Då Stortinget avkriminaliserte sex mellom menn i 1972, røysta KrF i staden for å også kriminalisere sex mellom kvinner, seier Øyan.

I 2005 slo Soria Moria-erklæringa fast at regjeringa skulle jobbe for ei felles ekteskapslov. I erklæringa stod det at Senterpartiets representantar var stilt fritt i denne saka.

– Blei ikkje Sp meir homovenlege av å nettopp sitje i regjering, då?

– Jo, vi såg ei positiv endring, til dømes då Magnhild Meltveit Kleppa skifta standpunkt og gjekk inn for felles ekteskapslov. Men dagens Sp-leiar Trygve Magnus Slagsvold Vedum røysta jo mot, minner Øyan om.

Redd for reversering

Øyan meiner han har sett positive signal hos KrF.

– Vi er glade for at Knut Arild Hareide gjekk i Pride-paraden i Oslo, og vi ser at vi står saman i ein del likestillingssaker, seier Øyan.

Homonettverket fryktar at viktige sigrar kan gå i vasken om Ap lar KrF diktere homopolitikken.

– Homokampen er aldri vunne éin gong for alle.

KrF ønskte ikkje å uttale seg i saka.

politikk@klassekampen.no

Mandag 20. november 2017
OMKAMP: Regjeringspartia, KrF og Venstre oppretta gigantfylket Viken på Aust­landet. No vurderer KrF å snu om ­millionregionen rundt Oslo.
Lørdag 18. november 2017
UKVALIFISERT: Bent Arne Aasli har jobbet med vann og avløp siden han var 16 år. Nå mener regjeringen han ikke er kvalifisert til å gjøre jobben sin fordi han ikke har nok studiepoeng.
Fredag 17. november 2017
HASTER: Landet rundt må det nå kuttes ved syke­husene. Årsaken er krav om stadig effektivisering. Strikken strekkes for langt, mener Legeforeningen.
Torsdag 16. november 2017
REGNSKAP: Det er forskjeller i hvor mye ulike innvandrergrupper står for av skatteinntekter. Mens iranere i snitt betaler 94.300 kroner, står polakker for 70.800 skattekroner per hode.
Onsdag 15. november 2017
SJAU: Fjellstrand verft vil ikkje nytte permitterte arbeidarar til nye oppdrag. LO fryktar at verksemda vil kvitte seg med alle fast tilsette.
Tirsdag 14. november 2017
URO: I en fersk rapport varsler Nav om økende kløfter mellom fattig og rik. Fra 2011 til 2015 gikk andelen fattige opp fra 7,7 til 9,3 prosent.
Mandag 13. november 2017
GÅR AV: Allerede i mars var Finans­departementet bekymret for omorganiseringen i SSB. Men Christine Meyer mener hun hadde mandat til å avskilte forskere. Nå fratrer hun stillingen.
Lørdag 11. november 2017
AU: Aldri før har KrF vore målt så lågt på Klassekampens barometer. Hareide håpar ny politikk skal ta KrF ut av skugganes dal.
Fredag 10. november 2017
VIL SNU: Sp-nestleder Anne Beathe Tvinnereim vil trosse asylforliket, myke opp asylpolitikken og finne en «praktisk løsning» for å hjelpe oktoberbarna.
Torsdag 9. november 2017
FISJONSKRAFT: To av tre finnmarkingar seier nei til tvangssamanslåinga med Troms fylke, men reforma stoppar ikkje. – Sp må få kink i nakken av å sjå seg så mykje bakover, seier Sanner.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk