Mandag 20. februar 2017
MØTE med UBER: Heidi Nordby Lunde (H) (til venstre) og Irene Johansen (Ap) møtte nyleg Uber-sjåførar og leiinga i Uber Norge på Saga kino i Oslo. Ingen kunne lova raske lovendringar. Samling med Uber, på Saga kino. Foto: Tom Henning Bratlie
Stortingspolitikar ber Uber-sjåførane halda seg på hjul, så blir kanskje lova endra:
Oppmodar til lovbrot
Undersak

Filip blei tatt og straffa

Filip registrerte seg som Uber-sjåfør fordi han mangla jobb.

– Eg søkte forskjellige jobbar, med det gjekk trått. Rekningane kom heile vegen. Til slutt valde eg å melda meg inn på Uber. Det var ingen hinder der for å setta i gang med ein gang. Eg blei litt hekta, seier Filip, som ikkje vil ha etternamnet sitt på trykk.

Uber-køyringa fekk ein slutt då han blei kalla inn til avhøyr hos politiet. Han var blitt meld for piratkøyring. Det resulterte i ei bot på 8000 kroner. Han mista lappen og må betala tilbake alt han tente på Uber.

– Eg hadde tent 126.000 netto, eg hadde innrapportert det til skattemyndigheitene.

– Følte du at du køyrde drosje?

– Nei, eg følte at eg køyrde bil og møtte menneske. Uber gav meg høve til å gjera noko anna enn å stressa med å ikkje få betalt rekningar.

(KL)APPAR: Høgre-topp Heidi Nordby Lunde oppmodar Uber-sjåførar til sivil ulydnad mot eksisterande lovverk. Sjåførane risikerer fleire former for straff.

SAMFERDSEL

Kontroversielle Uber ser med spenning på framtida, etter at eit offentleg utval forslo å fjerna løyvekravet for drosjar. Over 150.000 personar har lasta ned app-en og registrert bankkortet sitt hos Uber, ifølge selskapet. Oslo er éin av 500 byar med Uber på vegane.

Frå baksetet klappar stortingspolitikar Heidi Nordby Lunde frå Høgre for sjåførane. Ho vil endra regelverket slik at Uber og liknande tenester får grønt lys. Det er uklart om det er støtte på Stortinget for å fjerna løyvekravet.

Fakta

Strid om drosjeløyve:

• Delingsøkonomiutvalet foreslår blant anna å oppheva løyvekravet i drosjenæringa.

• Kravet om løyve for å driva persontransport mot vederlag er nedfelt i yrkestransportlova.

• Politiet har fått medhald i Oslo tingrett og Borgarting lagmannsrett i tvistar knytt til straff etter brot på lova.

• Det er uklart om det er fleirtal på Stortinget for å fjerna løyvesystemet.

• Samferdselsdepartementet har sendt på høyring eit forslag om lovendring, som i større grad vil opna for samkøyring. Men departementet foreslår ikkje å fjerna kravet om løyve for å driva persontransport mot vederlag.

«Sivil ulydnad»

Men inntil lova er endra, seier Lunde at Uber-sjåførane må fortsetta å køyra. Sjølv om dei risikerer straff.

– Eg tar Uber i Oslo så eg ønsker at dei skal fortsetta å køyra.

– Men du ønsker også at politiet skal gjera jobben sin?

– Ja, men det er jo sivil ulydnad mot eksisterande lovgiving. Eg trur at viss Uber stoppar no, kjem det nok ikkje til å skje noko endring. Dette blir aktualisert ved at dei er her, seier Lunde, som håpar at Uber får konkurranse frå andre tilsvarande nettbaserte tenester, som Lyft.

– Men dei bør fortsetta å køyra ulovleg for at det skal bli ei opning for det?

– Mi anbefaling er å i alle fall ikkje å stoppa. Som sagt køyrer eg Uber i Oslo sjølv.

– Oppmodar du til lovbrot?

– Eg vil ikkje gi deg den setninga. Viss det er lovbrot, er det sivil ulydnad. Det er det same som når butikkane berre kunne halda ope til fem på 1980-talet. Det var eit hån mot kvinner. Me må endra lova.

– Er eit lovbrot

Politiet i Oslo meiner yrkestransportlova er klar.

– Å driva persontransport mot vederlag utan løyve, er lovbrot, seier Ole Rasmus Knudsen, politiinspektør ved trafikkseksjonen i Oslo politidistrikt.

– Den som gjer dette, risikerer utover bøtlegging inndraging av førarkortet, bruks­forbod på bilen og at inntekter blir inndratt, seier han.

Oslo-politiet har fått medhald i tingrett og lagmannsrett for si tolking av lovverket.

Uber Norge står framleis fast på at Uber-sjåførar opererer innanfor ramene lova gir, og seier at saker skal til ankebehandling. Men er open for at dei tar feil og fortel partnarsjåførane om risikoen.

– Me meiner at det er lovleg, men me må vera open for at det er aktørar i samfunnet som ikkje er einig i det. Uansett er det viktigaste å raskt få på plass ny regulering, seier Carl Edvard Endresen, sjef for Uber i Norge. Han er kritisk til ressursbruken i politiet.

– Folk opplever at politiet i sivile bilar køyrer etter dei, eller når folk får besøk av politiet på døra. Det er for lenge sidan bevist at Uber er ei god og trygg teneste.

Politiet avviser at det er noko ekstraordinært ved arbeida deira relatert til Uber og at dette er ordinære straffe­saker.

Også Irene Johansen, stortingspolitikar for Arbeidarpartiet, vil legga til rette for nye formidlingstenester og forretningsmodellar, innanfor regulerte former.

– Eg synst det er synd at me motarbeidar ei teknologisk utvikling som folk bruker og er glad for, seier ho.

– Køyrer du sjølv Uber?

– Eg har aldri prøvd det, eg prøver å halda meg på den lovlege sida.

anneh@klassekampen.no

Mandag 20. november 2017
OMKAMP: Regjeringspartia, KrF og Venstre oppretta gigantfylket Viken på Aust­landet. No vurderer KrF å snu om ­millionregionen rundt Oslo.
Lørdag 18. november 2017
UKVALIFISERT: Bent Arne Aasli har jobbet med vann og avløp siden han var 16 år. Nå mener regjeringen han ikke er kvalifisert til å gjøre jobben sin fordi han ikke har nok studiepoeng.
Fredag 17. november 2017
HASTER: Landet rundt må det nå kuttes ved syke­husene. Årsaken er krav om stadig effektivisering. Strikken strekkes for langt, mener Legeforeningen.
Torsdag 16. november 2017
REGNSKAP: Det er forskjeller i hvor mye ulike innvandrergrupper står for av skatteinntekter. Mens iranere i snitt betaler 94.300 kroner, står polakker for 70.800 skattekroner per hode.
Onsdag 15. november 2017
SJAU: Fjellstrand verft vil ikkje nytte permitterte arbeidarar til nye oppdrag. LO fryktar at verksemda vil kvitte seg med alle fast tilsette.
Tirsdag 14. november 2017
URO: I en fersk rapport varsler Nav om økende kløfter mellom fattig og rik. Fra 2011 til 2015 gikk andelen fattige opp fra 7,7 til 9,3 prosent.
Mandag 13. november 2017
GÅR AV: Allerede i mars var Finans­departementet bekymret for omorganiseringen i SSB. Men Christine Meyer mener hun hadde mandat til å avskilte forskere. Nå fratrer hun stillingen.
Lørdag 11. november 2017
AU: Aldri før har KrF vore målt så lågt på Klassekampens barometer. Hareide håpar ny politikk skal ta KrF ut av skugganes dal.
Fredag 10. november 2017
VIL SNU: Sp-nestleder Anne Beathe Tvinnereim vil trosse asylforliket, myke opp asylpolitikken og finne en «praktisk løsning» for å hjelpe oktoberbarna.
Torsdag 9. november 2017
FISJONSKRAFT: To av tre finnmarkingar seier nei til tvangssamanslåinga med Troms fylke, men reforma stoppar ikkje. – Sp må få kink i nakken av å sjå seg så mykje bakover, seier Sanner.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk