Du kan bla til neste sideBla med piltastene

Dei rike tar ein stadig større del av kaka. Det stoggar heile økonomien.

Dystre utsikter

Verdsøkonomien går inn i året 2017 i ein tilstand av stagnasjon, med store fordelingskonfliktar, massearbeidsløyse i fleire land, internasjonale ubalansar og veldig gjeldsopphoping. I alle land kaprar dei rike stadig større delar av samla inntekt og formue. Fordi dei sparer langt meir enn befolkninga med lågare inntekter, inneber dette redusert effektiv etterspørsel. Denne tendensen blir forsterka av mangelen på profitable prosjekt som har ført til at dei totale realinvesteringane stagnerer. Gjennom multiplikatorprossessen resulterer dette i lågare inntekter og sysselsetting i økonomien totalt.