Er årets ord ’nei’? Ikkje etter mitt syn, sjølv om det forsvarar ein plass på lista. Filmen om kong Håkon i 1940 fekk utruleg merksemd. Men Språkrådet valde hverdagsintegrering. Erna Solberg løfta det fram i nyttårstalen (det var rett nok brukt før). Språkteigen i NRK P2, der eg ikkje kan underslå mi deltaking, kåra skam til årets ord. NRK-serien har gjort til skamme påstanden om at norske ungdomsprogram ikkje kan få internasjonal framgang.