To av tre ungdommar frå lågare sosiale lag slit med dårleg søvn og kjensle av håpløyse og uro:
ULIKSKAP: Fattige ungdommar har langt større risiko for å få psykiske plager enn dei som kjem frå betre kår. Forskar ber oss sjå forbi dei «flinke pikene» som dominerer debatten.
– I debatten om dei «flinke pikene» får ein inntrykk av at kven som helst kan bli ramma av psykiske problem. Bildet som blir skapa, er at alle ungdommar opplever press på å vera perfekte, og at det er dei som arbeider hardast og som har høgast ambisjonar, som har det verst, seier Nova-forskar Mira Aaboen Sletten til Klassekampen.