Onsdag 7. desember 2016
OVER EIT FJELL, GJENNOM EIN TUNNEL: Florø kan i framtida vere ein by i Sogn og Fjordane, Vestlandsregionen eller kanskje i eit heilt nytt Nordvest-fylke. Foto: Anniken C. Mohr
Trøndelagsfylka kan bli dei einaste som frivillig fusjonerer i regionreforma:
Kollaps i saman­slåingane
Tonje Brenna
Trykk på bildet for større versjon.
NEI: Frå Nordkapp til Lindesnes er svaret det same: Norske fylke vil ikkje slå seg saman. Noreg kan gå frå 19 til 18 fylke om politikarane lokalt får velje.

Norske regionpolitikarar fylkar seg til strid: Om dei får avgjere saka, går Noreg frå 19 til 18 fylke som ein konsekvens av Stortingets regionreform.

Tonje Brenna er gruppeleiar for Ap i Akershus fylkesting. Denne veka fekk ho med seg fleirtalet på å seie nei til Viken:

– Eg trur at å bruke tvang er ein dårleg idé, er hennar melding til Stortinget.

Så lenge ikkje Oslo er ein del av pakka, er det lite aktuelt for henne å slå Akershus saman med andre.

– I denne prosessen har vi funne ut kor lite vi eigentleg har til felles med Buskerud og Østfold, forklarer ho.

Brenna er langt frå åleine: I desse dagar har dei fleste fylkestinga møte, og nesten alle har saka om fylkessamanslåing oppe. Eit oversyn Klassekampen har samla inn, syner følgjande status i fylkestinga:

Viken: Akershus seier nei til Buskerud og Østfold så lenge ikkje Oslo er ein del av planen.

Oslo: Vil helst stå åleine.

Innlandet: Oppland seier ja, men Hedmark ser ut til å seie nei.

Skager(r)ak: Vestfold har sagt ja, i Telemark er det meir splitta. I båe fylke ønskjer ein å ha med Buskerud (og framleis er ein ikkje samd om kor vidt namnet skrivast med éin eller to r-ar).

Agder: Vest-Agder seier ja, men eit fleirtal i Aust-Agder seier nei etter at to Sp-representantar har snudd.

Fakta

Regionreforma:

• Høgre og Frp ønskjer eigentleg berre to folkevalde nivå i Noreg: kommune og stat.

Stortingsfleirtalet vil derimot ha eit regionalt nivå og har difor sett i verk ei region­reform.

• Målet er å vedta om lag ti nye storfylke i Stortinget før sommaren 2017.

• Rundt om i landet veks no motstanden mot reforma.

Vestlandet: Sogn og Fjordane og Hordaland seier ja, men Rogaland seier nei til nye Vestlandsregionen.

Møre og Romsdal: Her vurderer delar av fylket løysingar både møt nordaust og sørvest. Ei sannsynleg løysing er at fylket blir som i dag.

Trøndelag: Har vedteke samanslåing.

Nord-Noreg: Finnmark har vedteke at dei ønskjer å stå åleine. Samtalar mellom Troms og Nordland har ikkje vore på tale før fylkesordføraren i Nordland overraskande lanserte dette denne veka.

Må ha nye oppgåver

Dermed kan Trøndelag bli dei einaste som frivillig slår seg saman. Den mest omtalte samanslåinga har vore nye Vestlandsregionen, som etter planen skulle få over éin million nye innbyggjarar.

Denne veka blei det klart at Rogaland Frp går imot, og dermed er fleirtalet tapt i fylket. Anita Egeli, gruppeleiar i Rogaland fylkesting, forklarer at avstanden mellom Rogaland og Sogn og Fjordane er for stor. Ho fryktar at fylkespolitikaranes «nærleik til folket», vil ryke i eit nytt storfylke på Vestlandet.

– Er Frps nei spikaren i kista for Vestlandsregionen?

– Nei. Vi har sagt at vi gjerne vil snakke med Hordaland etter at det har blitt avklart kva nye oppgåver fylkeskommunen skal ha. Men ikkje med Sogn og Fjordane.

Det same seier Sven Tore Løkslid (Ap), fylkesordførar i Telemark:

– Det er ein føresetnad at vi får nye oppgåver. Så er dette litt som høna og egget: Skal ein endre strukturen eller kome med oppgåvene fyrst? spør Løkslid.

Stortinget avgjer

Frå Stortinget er det understreka at denne reforma ikkje er frivillig. Dermed kan dei mange nei-svara frå norske fylkesting bli trumfa av eit ja i Stortinget. Parlamentet har vedteke at dei ønskjer om lag ti regionar i Noreg i framtida.

Målet er at fleire statlege einingar, som helseføretak og politiregionar, skal samanfalle med desse nye storfylka.

politikk@klassekampen.no

Lørdag 23. juni 2018
ÅPNER OPP: Denne helga vedtar etter all sannsynlighet både Sosialistisk Ungdom og Unge Høyre å åpne for statlig salg av hasj. Det sikrer flertall for ­legalisering blant ungdomspartiene.
Fredag 22. juni 2018
VIL PRØVE: Varaordføreren i Oslo mener Arbeiderpartiet bør støtte regulert salg av cannabis for å hindre at organiserte kriminelle håver inn millioner.
Torsdag 21. juni 2018
NARKO: Dei kriminelle gjengane i Oslo distribuerer narkotika ut i landet. – Me er uroa for utviklinga i Oslo, seier politiinspektør Are Sangolt i Vest politidistrikt.
Onsdag 20. juni 2018
TREND: Fleire røyker hasj. Fleire med psykiske plager. Og mindre tid på leksearbeid. Det er blant resultata etter at 25.000 har svart på ei ungdomsundersøking.
Tirsdag 19. juni 2018
NEKTER: Kommunalministeren vil la Troms overkjøre Finnmark. Tromspolitikere fra Rødt, SV og MDG sier blankt nei, og nekter å overstyre finnmarkingene.
Mandag 18. juni 2018
HØRING: Faresignalene har vært mange det siste året. I dag må byrådsleder R­aymond Johansen (Ap) svare på hva han har tenkt å gjøre for å bekjempe ungdomskriminaliteten i Oslo.
Lørdag 16. juni 2018
PÅ DØRA: Reklameguru Ingebrigt Steen Jensen og samboeren Trude Solheim er lei av at Arbeiderpartiet ikke skaper entusiasme, og fremmer ti saker som de håper kan gjenreise partiet.
Fredag 15. juni 2018
BØYER IKKE AV: Finnmark vil møte trusler fra regjeringen med sivil ulydighet. Regjeringen lover represalier.
Torsdag 14. juni 2018
RAUD ELLER DAUD: Støre meiner tida etter valnederlaget har gjort han meir oppteken av å finne løysingar på venstresida. Om 15 månader kjem folkets dom.
Onsdag 13. juni 2018
INNTOG: Amerikanske marinesoldater skal til Indre Troms – og blir der i fem år. Opposisjonen reagerer på regjeringens forsvarspolitikk.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk