Onsdag 2. november 2016
PR-TUNGT: Aps listetopper Victoria Marie Evensen, Eskil Pedersen, Zaineb Al-Samarai, Inger Helene Vaaten og Jon Reidar Øyan har alle en fot innenfor PR-bransjen.
Nesten halvparten av Oslo Aps listetoppar er PR-folk:
PR-fest hos Ap
Signe Horn
PR-BYRÅ-KRATI: Vil du at Stortinget skal fyllast av folk frå kommunikasjonsbransjen? Då bør du stemme Oslo Ap.

ARBEIDAR­PARTIET

Heiltidspolitikarar, politiske rådgjevarar – og kommunikasjonsfolk. Desse yrkesgruppene dominerer framlegget til ny stortingsliste for Oslo Ap. Av listas 25 namn er 20 yrkesaktive. Av desse er det berre fire som har ein annan jobb enn rådgjeving, PR og fulltidspolitikk.

Måndag kveld la komitéleiar Signe Horn fram ei samrøystes innstilling frå nominasjonskomiteen i Oslo Ap. På toppen finn vi Jonas Gahr Støre, Marianne Marthinsen og Jan Bøhler.

Men vidare på lista det tett mellom kommunikasjonsnamna: Zaineb Al-Samarai arbeider i kommunikasjonsbyrået Rud Pedersen. Inger Helene Vaaten og Jon Reidar Øyan er kommunikasjonsrådgjevarar i Handel og Kontor og i Arbeidarpartiets stortingsgruppe.

Victoria Marie Evensen er fulltidspolitikar i Oslo Rådhus, men kjem frå stillinga som tekstforfattar i reklamebyrået Dinamo. Og Eskil Pedersen er kommunikasjonssjef i Nortura SA.

Lengre ned på lista finn vi òg Katinka Riksfjord Sporsem, som nyleg kom til stillinga som dagleg leiar i LO-forbundet Norsk Flygerforbund frå jobben som kommunikasjonssjef i Tankesmien Agenda.

Fakta

Nominasjon i Oslo Ap:

• Måndag kveld la nominasjonskomiteen fram ei samrøystes innstilling til kven som skal stå på stortingslista til Oslo Ap ved valet 2017.

• Lista er på høyring til 14. november. 22. november er det nominasjonsmøte.

Oslo Aps topp 13:

1. Jonas Gahr Støre, stortingsrepresentant

2. Marianne Marthinsen, stortingsrepresentant

3. Jan Bøhler, stortingsrepresentant

4. Siri G. Staalesen, fylkessekretær i Oslo Ap

5. Espen Barth Eide, direktør i World Economic Forum

6. Zaineb Al-Samarai, kommunikasjonsrådgjevar i Rud Pedersen kommunikasjonsbyrå

7. Didrik Beck, student

8. Inger Helene Vaaten, informasjonsrådgjevar i Handel og Kontor

9. Fredrik Mellem, leiar av Oslo Arbeidersamfunn

10. Jon Reidar Øyan, kommunikasjonsrådgjevar i Aps stortingsgruppe

11. Marthe Scharning Lund, stabssjef ved byrådsleiarens kontor

12. Victoria Marie Evensen, leiar av byutviklingskomiteen i Oslo bystyre, har arbeidd i reklamebyrået Dinamo

13. Eskil Pedersen, kommunikasjonssjef i Nortura SA

– Ikkje reflektert over det

Komitéleiar Signe Horn meiner Oslo Aps liste er sterk.

– Eg er glad for ei samrøystes innstilling. Det er ofte eit kvalitetsteikn at ein får til det.

– Kva tenkjer du om at nesten halvparten av toppkandidatane er kommunikasjonsrådgjevarar?

– Det har eg faktisk ikkje reflektert over. Kven er det snakk om?

– Zaineb Al-Samarai, Inger Helene Vaaten, Jon Reidar Øyan, Victoria Marie Evensen og Eskil Pedersen.

– Eg tenkjer eigentleg at dette er folk som er opptekne av politikk og samfunn, og som er opptekne av å kommunisere med sine omgjevnader. Det er dessutan berre éin som arbeider i byrå, seier Signe Horn. Ho legg til:

– Dette er folk som arbeider breitt med politikk og samfunn og som er godt forankra i Arbeidarpartiet.

– Med så mange kommunikasjonsfolk på lista – er dette den viktigaste gruppa for Ap å nå i valet?

– Eg er ikkje sikker på om eg er samd i premissen i det spørsmålet, seier Horn.

På lista er det to pensjonistar, to studentar og éin skuleelev. I tillegg er det ein prosjektleiar i politiet, to tilsette i LO-forbund, ein forbundssekretær i NTL og ein fagrådgjevar i Stordalen-stiftinga Eat. Ein er fagsjef i Finans Norge, og Espen Barth Eide er direktør i World Economic Forum. Resten arbeider på fulltid for Arbeidarpartiet, som politiske rådgjevarar eller med kommunikasjon.

– Burde det vore fleire «vanlege» yrke representert?

– At ein kjem frå Handel og Kontor eller samvirkeverksemda Nortura – eg kan ikkje sjå at det er eit problem. Zaineb jobbar i kommunikasjonsbyrå, men eg synst det er mykje viktigare at ho er jurist, har internasjonal erfaring, er minoritetskandidat og ikkje minst har gjort ein bra jobb i Ap og for idretten, seier Horn.

– Ulik erfaring

Ei av dei som har fått plass på lista, er Victoria Marie Evensen. Ho er fulltidspolitikar i Oslo Rådhus som leiar av byutviklingskomiteen, og sa opp som tekstforfattar i Dinamo då ho fekk dette vervet i fjor haust.

– De er fem med kommunikasjonsbakgrunn, synst du det er passe mange?

– Vi fem representerer svært ulik kompetanse, erfaring og kunnskap, og eg stoler på at nominasjonskomiteen har vurdert alle våre ulike kvalitetar. Det er i grunnen det eg har å seie om dét, seier Evensen til Klassekampen.

politikk@klassekampen.no

Artikkelen er oppdatert: 4. november 2016 kl. 17.14
Torsdag 26. april 2018
PÅ GANGEN: Lektor Clemens Saers fikk undervisningsnekt på dagen etter anonyme krenkeanklager fra elever. Lærerorganisasjoner vil endre den nye «krenkelsesparagrafen» i opplæringsloven for å hindre misbruk.
Onsdag 25. april 2018
OPPSIDA: 70.000 nye arbeidsplasser i Norge innen 2050 og en inntjening på 220 milliarder kroner i året. Det kan bli resultatet om regjeringen investerer i karbonfangst og -lagring.
Tirsdag 24. april 2018
ÅPENHET: Eivor Evenrud (Rødt) er blitt kontaktet av lærere som har blitt kalt inn på teppet for å dele innlegg på Facebook. – Mange opplever en fryktkultur, sier hun.
Mandag 23. april 2018
TENKETANKER: Manifest-leder Magnus Marsdal mener Agenda blir kjøpt for å spre NHOs verdenssyn når tenketanken lager rapport om at folk må jobbe lenger i framtida.
Lørdag 21. april 2018
KRENKET: 61 lærere i Oslo har blitt gransket for krenking av elever siden innføringen av en ny «krenkeparagraf» i fjor. Lærere frykter at loven kan ­misbrukes.
Fredag 20. april 2018
KARAKTERER: Norge er flinkere til å innføre EU-regler enn EU-landene selv. Kun fire direktiver gjenstår, viser nye tall fra Esa.
Torsdag 19. april 2018
SKODDEHEIMEN: Utanriksopposisjonen på Stortinget vil ha svar om militsane i Syria.
Onsdag 18. april 2018
PROSESS: Ulsrud videregående skole i Oslo har åpnet sak mot lektor Simon Malkenes etter at han deltok i en debatt. Jurist Anine Kierulf mener terskelen for å begrense læreres ytringsfrihet må være høy.
Tirsdag 17. april 2018
FORSLAG: I SV skapar fleirtalet mot omskjering steile frontar. Både i Raudt og Miljøpartiet Dei Grøne kjem forslag om aldersgrense mot omskjering på agendaen i mai.
Mandag 16. april 2018
KRIG: Venstres leder Trine Skei Grande er nå fast medlem i regjeringens sikkerhetsutvalg. Hun lover åpen debatt om nye internasjonale operasjoner i ­Stortinget.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk