Fredag 7. oktober 2016
TJA: For sentrumspartia kan det vise seg at graset – eller budsjettavtalen – faktisk er grønare på den andre sida.
Statsminister Erna Solberg (H) er uroa for signala frå stortingsgruppa til Venstre:
Uroa for regjeringskrise
KLIMAKRISE: Venstre er svært misnøgde med regjeringas framlegg til statsbudsjett. Samstundes lovar Ap eit langt grønare opplegg.

klima

Klimaskepsisen i Venstre blei ikkje mindre av å endeleg få lese regjeringas framlegg til statsbudsjett for 2017. No blir det i fullt alvor snakka om regjeringskrise i Noreg.

Statsminister Erna Solberg (H) seier til Klassekampen at ho tek signala alvorleg.

– Medlemer av stortingsgruppa til Venstre snakkar om at ein kan styre mot regjeringskrise i haust. Det må vel uroe ein statsminister?

– Jada, eg uroar meg alltid når nokon meiner at det skal bli regjeringskrise i haust, men samstundes meiner eg at dette er eit stort og viktig budsjett der det er mykje vi kan finne saman om, seier Solberg.

Samstundes kjem Arbeidarpartiet med grøne løfte.

– Vårt samla opplegg vil innebere større kutt i klimagassutsleppa enn regjeringas, garanterar Ap-leiar Jonas Gahr Støre.

Fakta

Regjeringas framlegg:

• Torsdag la regjeringa fram sitt framlegg til grønt skatteskifte i statsbudsjettet for 2017.

• Framlegget inneber mellom anna ein avgiftsauke på 15 øre på bensin og 35 øre på diesel.

• Likevel får bilistane over 900 millionar kroner i andre avgiftsletter.

• Regjeringspartia har sagt at dei ikke vil forhandle vidare på desse punkta, medan Venstre har gjort det klart at regjeringa då ikkje får fleirtal for budsjettet sitt.

Laber stemning

Venstre-nestleiar Terje Breivik meiner utgangspunktet for budsjettforhandlingene er krevjande.

– Budsjettet svarer korkje på tinginga frå budsjettavtalen for 2016 eller bidrar til at vi får ein monaleg reduksjon i innanlands klimagassutslepp, seier han til Klassekampen.

I finanstalen skrytte finansminister Siv Jensen (Frp) av klimaprofilen i budsjettframlegget.

– Vi legg fram eit grønt skifte i tråd med budsjettavtalen med KrF og Venstre, sa ho.

Akkurat dét er det få i sentrumspartia som seier seg samde i. I regjeringas framlegg til statsbudsjett er det lova grøne skatteskiftet ikkje større enn eit avsnitt, har fleire merkt seg.

Vil forhandle

Solberg håpar det finst fleire element å trekkje inn i forhandlingane slik at alle kan bli nøgde.

– Vi må diskutere det som er reelt. Er det utsleppsnedgang, så er det mange andre tiltak enn berre avgifter som er viktig, seier Høgre-leiaren.

– Kva er det som kan gjere mellompartia nøgd?

– Eg skal forhandle med dei i møterommet, ikkje i media, seier Solberg.

Klar for grønt skifte

Støre fortel at det er «naudsynt å starte på vegen fram mot 2030-målet», som inneber at Noreg innan då skal redusere utsleppa i ikkje-kvotepliktig sektor med 40 prosent samanlikna med 1990-nivå.

– Det kjem til å krevje mykje av mange. Og det denne regjeringa har lagt fram, peikar ikkje i den retninga, seier han,

For Venstre er det særleg regjeringas framlegg til avgiftsauke på drivstoff som provoserer. Ein auke på 15 øre på bensin og 35 øre på diesel er altfor lite, meiner Venstre. I Aps siste alternative budsjett gjekk partiet inn for ei auke på dieselavgifta på 25 øre per liter. Då Stortinget handsama det reviderte budsjettet, ville Ap auke avgifta med 50 øre.

– Framlegget på diesel var jo for å jamne ut skilnaden mellom diesel og bensin. Når vi har gjort framlegg om det i fjor og mei i revidert i år, gjev jo det eit frampeik på kva vi vil gjere framlegg om framover.

Om bensin seier han at Ap vil gå «grundig inn i det», men han vil ikkje love noko no.

– Kva gjer Ap om det blir full regjeringskrise?

– Det vil vi halde oss til sindig og med stor ro. Det er fleirtal mellom dei fire partia, og dei har avtale om samarbeid om budsjett. No får dei ta det ansvaret. Vi skal levera vårt alternativ og førebu oss på eit val som kan gje ein ny regjering og enn ny kurs.

politikk@klassekampen.no

Artikkelen er oppdatert: 7. oktober 2016 kl. 12.57
Onsdag 19. september 2018
SNUDDE: Etter «nærmere dialog med departementet» stokket forsvarssjefen om på innstillingen til ny sjef i Heimevernet. Dermed rykket Eirik Kristoffersen opp fra bunnen til toppen av lista.
Tirsdag 18. september 2018
MEGAPROSJEKT: Equinor søker Enova om 2,5 milliarder i støtte for å elektrifisere to oljefelt med havvind. Det tilsvarer hele Enovas støttepott i fjor.
Mandag 17. september 2018
HØVLAR: Kutt i sjukehusbudsjett skal spara millionar. No åtvarar både tillitsvalde og direktørar om at det går ut over pasientar og arbeidsvilkår.
Lørdag 15. september 2018
IVRIG: Statsministeren hyllet amerikanske soldater i forkant av norgeshistoriens største Nato-øvelse. Landet rundt forberedes motdemonstrasjonene.
Lørdag 15. september 2018
LOVBRUDD: Juss­professor Geir Ulfstein mener Norge brøt FN-mandatet for Libya-operasjonen.
Fredag 14. september 2018
BOMBER: 9. mai 2011 sa Jonas Gahr Støre til Stortinget at Gaddafi ikke var et mål for krigen. Omtrent samtidig deltok Norge i bombingen av diktatorens hovedkvarter.
Torsdag 13. september 2018
UKLART: Begge fløyene i Ap er fornøyde med migrasjonsutvalgets innstilling. Ekspertene mener den er uklar.
Onsdag 12. september 2018
ASYL: Storbylagene vil at Arbeiderpartiet skal snu om returer av sårbare grupper. I dag kommer migrasjonsutvalgets innstilling om asylpolitikk.
Tirsdag 11. september 2018
NY FRIST: Unge Høyre-leder Sandra Bruflot ber regjeringen innføre foreldelsesfrist for tilbakekall av statsborgerskap. Hun får følge av Unge Venstre, mens FpU er i tenkeboksen.
Tirsdag 11. september 2018
OPPGITT: Tillitsvalgte i Aleris Ungplan og Boi mener Fagforbundet har «glemt dem på gulvet» i striden.

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk