Sist måndag dømde Jæren tingrett frisøren Merete Hodne til ti tusen kroner i bot pluss fem tusen i sakskostnader for å ha nekta den hijabkledde Malika Bayan tilgjenge til salongen sin. Domen er i samsvar med norsk lov om diskriminering, som gjev inntil seks månaders fengsel til næringsdrivande som stengjer ute kundar på grunn av hudfarge, etnisitet, religion, livssyn, homofili eller nedsett funksjonsevne.
Både den hijabkledde og den lesbiske er verna av lova.